تۇجىرىمداماعا سايكەس, «رەزەرۆتەگى ادام» ۇعىمى ەنگىزىلگەن. ول – ەرىكتى تۇردە قورعانىس مينيسترلىگىمەن رەزەرۆتە اسكەري قىزمەت وتكەرۋ تۋرالى كەلىسىمشارت جاساسقان اسكەري مىندەتتى.
زاڭ جوباسى ماقۇلدانسا, تەحنوگەندىك نەمەسە تابيعي سيپاتتاعى توتەنشە جاعدايلار تۋىنداعان كەزدە رەزەرۆتەگى اسكەري قىزمەتشىلەر ءبىرىنشى كەزەكتە قولدانىلاتىن بولادى. بۇل قر قارۋلى كۇشتەرىنە وزىنە ءتان ەمەس فۋنكتسيالاردى ورىنداۋعا ەلەڭدەمەي, جوسپارلى تۇردە جاۋىنگەرلىك دايارلىقتى جالعاستىرۋعا مۇمكىندىك بەرەدى.
رەزەرۆتەگى اسكەريلەر قورعانىس مينيسترلىگى ايقىنداعان تارتىپپەن بارلىق اسكەري-ەسەپتىك ماماندىق بويىنشا دايارلىقتان ءوتۋ ارقىلى اسكەري قىزمەت وتكەرەتىن بولادى. ولار ءۇشىن دايارلىق ءبىر ايدا ءبىر-ەكى رەت, ال جيىن 30 كۇن وتكىزىلەتىن بولادى. جالپى العاندا ءبىر جىلدا ەكى ايدان كوپ ەمەس.
«ۋكرايناداعى جانە تاۋلى كاراباقتاعى وقيعالار قارۋلى كۇشتەردى جۇمىلدىرۋمەن, اسكەري-وقىتىلعان رەزەرۆتى دايارلاۋعا جانە ولاردىڭ بار بولۋىنا, سونداي-اق شىعىندى تولىقتىرۋ نەمەسە جەكە قۇرامدى روتاتسيالاۋ ءۇشىن زاپاستاعى اسكەري قىزمەتشىلەردىڭ ۋاقتىلى كەلۋىمەن بايلانىستى ءبىر قاتار پروبلەمالىق ماسەلەلەردى انىقتادى. سوندىقتان, ازاماتتاردىڭ رەزەرۆتە قىزمەت وتكەرۋىن ۇيىمداستىرۋ ارقىلى قارۋلى كۇشتەردىڭ اسكەري بولىمدەرىن ادام رەسۋرستارىمەن قامتاماسىز ەتۋدىڭ زاماناۋي قاعيداتتارىن قايتا قاراۋ قاجەتتىگى تۋىندايدى», دەپ جازىلعان تۇجىرىمدامادا.
