تۇتاستاي العاندا, تۇتىنۋشىلىق جانە يپوتەكالىق نەسيەلەردى قوسا العاندا, قازاقستانداعى بارلىق بولشەك نەسيەلەردىڭ جالپى كولەمى 8,2 ترلن تەڭگەنى قۇرادى. بۇل ءبىر اي بۇرىنعىدان 3,3%-عا, ال ءبىر جىل بۇرىنعىعا قاراعاندا 22,8%-عا كوپ.
ونىڭ ىشىندە تۇرعىنداردان الىنعان تىكەلەي تۇتىنۋشىلىق نەسيەلەر 4,8 ترلن تەڭگەنى قۇرادى. بۇل سونداي-اق ءبىر اي بۇرىنعىدان 3,3%-عا جانە ءبىر جىل بۇرىنعىدان 16,3%-عا كوپ. سالىستىرۋ ءۇشىن, يپوتەكالىق نەسيەلەر الدەقايدا تەز ءوسىپ كەلەدى: ناقتىلاساق, وتكەن جىلمەن سالىستىرعاندا 35,5% وسكەن. دەمەك, تۇتىنۋشىلىق نەسيە قورجىنى ءبىر جىلدا 2,5 ترلن تەڭگەگە كوبەيگەن. ەلدە وسى ساعاتقا دەيىن بولشەك نەسيە بەرۋ مەرزىمى وتكەن قارىز دەڭگەيى بويىنشا نەسيەلىك پورتفەلدىڭ ساپاسىنا قاتىستى الاڭداۋشىلىق تۋعىزبايتىنىن ساراپشىلار دا ايتادى.
الايدا, ەدب بولشەك نەسيەلەۋدىڭ ايتارلىقتاي وسۋىنە قاراماستان, قازاقستان رەسپۋبليكاسىنىڭ ەكونوميكا اۋقىمىندا حالىقتى نەسيەلەندىرۋ كولەمى رەسەي مەن باسقا ەلدەردىڭ كورسەتكىشتەرىنەن ەداۋىر ارتتا قالىپ وتىر.
دەمەك, ءبىزدىڭ ەلدىڭ حالقى سولتۇستىكتەگى كورشىمىزبەن سالىستىرعاندا نەسيەگە از جۇگىنەدى. 2020 جىلدىڭ سوڭىندا جەكە تۇلعالارعا بەرىلەتىن نەسيەلەردىڭ بارلىق تۇرلەرىنىڭ ءىجو-گە قاتىناسى قازاقستاندا تەك 10,7%-دى قۇرادى, ال كورشىلەس رەسەيدە بۇل كورسەتكىش 18,7%-كە جەتتى.
قازاقستان رەسپۋبليكاسىنىڭ تۇتىنۋشىلىق نەسيەلەرىنىڭ ەلدىڭ ءىجو-گە قاتىناسى تەك 6,2%-دى قۇرادى. سالىستىرۋ ءۇشىن: كورشىلەس رەسەيدە يپوتەكا سەگمەنتىن قوسپاعاندا, جەكە تۇلعالارعا بەرىلگەن نەسيەلەردىڭ ءىجو-گە قاتىناسى 10% قۇرايدى.
ارمەنيادا بۇل كورسەتكىش رەسەيدەن دە جوعارى: جەكە تۇلعالارعا بەرىلگەن نەسيە ءجىو-ءنىڭ 26,9% قۇرايدى. بەلارۋسسيادا كورسەتكىش ءىس جۇزىندە قازاقستان رەسپۋبليكاسىمەن بىردەي: 10,6%. ال قىرعىزستاندا بۇل كورسەتكىش 2,9% عانا.
شىن مانىندە, بارلىق سالالارداعى بانكتەردەن جانە باسقا قارجى ينستيتۋتتارىنان بولشەك نەسيە بەرۋدىڭ ءوسۋى بارلىق سالالاردا كەز كەلگەن ەلدىڭ ەكونوميكاسى مەن قارجى سەكتورىنىڭ دامۋىنىڭ كورسەتكىشى بولىپ تابىلاتىندىعىن اتاپ وتكەن ءجون.
