قر ىشكى ىستەر مينيسترلىگىنىڭ رەسمي سايتىندا حابارلانعانداي, سارىاعاش اۋداندىق پد كەزەكشى بولىمىنە جەرگىلىكتى تۇرعىن بەلگىسىز بىرەۋلەر ۇيىنە كىرىپ, التىن زاتتار مەن 11 مىڭ اقش دوللارى سالىنعان سەيفتى ۇرلاپ كەتكەنىن ايتىپ, ارىزدانعان.
– پوليتسيا بۇل فاكتىنى قر قىلمىستىق كودەكسىنىڭ 188-بابى, «ۇرلىق» بويىنشا بىرىڭعاي تىزىلىمگە تىركەدى. جابىرلەنۋشىگە كەلتىرىلگەن زالالدىڭ جالپى سوماسى شامامەن 10 ميلليون تەڭگەنى قۇرادى, – دەلىنگەن حابارلامادا.
جەدەل-ىزدەستىرۋ ءىس-شارالارى بارىسىندا ۋچاسكەلىك پوليتسيا قىزمەتكەرلەرى جەرگىلىكتى تۇرعىندار – كۇدىكتى ەكى اعايىندى ازاماتتى ۇستادى. ولاردىڭ بىرەۋى بۇرىن سوتتالعان بولىپ شىقتى.
– تەرگەۋ بارىسىندا انىقتالعانداي, كۇدىكتىلەر ۇيدە ادامدار بولماعان كۇندى كۇتكەن, سودان كەيىن قورشاۋدان سەكىرىپ, تەرەزە ارقىلى ءۇيدىڭ ىشىنە تۇسەدى. ۇرىلار جاتىن بولمەدەگى سەيفتى ۇرلاپ, وقيعا ورنىنان قاشىپ كەتكەن. سودان كەيىن اۋىلدىڭ شەتىندە سەيفتى بۇزعان. ىشىندەگى التىن بۇيىمدار مەن اقشانى الىپ, سەيفتى لاقتىرىپ جىبەرەدى. ولار ۇرلانعان م ۇلىكتى ساتىپ, اقشانى ءوز قاجەتتىلىكتەرىنە جۇمساعان.
قازىرگى ۋاقىتتا اتالعان فاكت بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتىلەر قاماۋعا الىندى. ۇستالعانداردىڭ باسقا دا وسىعان ۇقساس قىلمىستارعا قاتىستىلىعى انىقتالۋدا, – دەلىنگەن حابارلامادا.
