كىتاپتىڭ اۆتورى, قازاق ۇلتتىق ونەر ۋنيۆەرسيتەتى «دومبىرا» كافەدراسىنىڭ پروفەسسورى, كۇيشى, قازاقستاننىڭ ەڭبەك سىڭىرگەن قايراتكەرى جانعالي ءجۇزباي بۇل ەڭبەك سۇگىر كۇيشىنىڭ مۇراسىن قۇرمەت تۇتاتىن بارشا وقىرمان اۋديتورياسىنىڭ قاجەتىنە جارايتىن ادەبيەت بولاتىنىنا ءۇمىتتى.
قورقىت بابا مۇراسىنىڭ جالعاسى ىقىلاستىڭ شاكىرتى, قاراتاۋ كۇيشىلىك مەكتەبىنىڭ نەگىزىن قالاۋشى, كۇيشى-كومپوزيتور سۇگىر ءالى ۇلىنىڭ مۇرالارىنا ارنالعان كىتاپتا سۇگىردىڭ 60 كۇيى جانە ونىڭ ۇستازدارى مەن ونەگەسىن كورگەن شاكىرتتەرىنىڭ سيرەك ورىندالاتىن تۋىندىلارى جيناقتالعان. «تەرىسكەي تولعاۋلارى» كىتابىنىڭ تانىستىرىلىمى مەن تۇساۋكەسەرى تۇركىستاندا «ازىرەت سۇلتان» مەملەكەتتىك تاريحي-مادەني قورىق-مۋزەيى» رمقك ۇيىمداستىرعان « ۇلى دالانىڭ ۇلى كۇيشىسى» اتتى ءىس-شارا بارىسىندا ءوتتى. ونلاين فورماتتا وتكەن جيىنعا تاريحشىلار مەن عالىمدار, جاس كۇيشىلەر, ۇلتتىق اسپاپتا ويناۋشىلار قاتىسىپ, وي-پىكىرلەرىمەن ءبولىستى.
تۇركىستان وبلىسى
