دەپۋتات وندا اسكەري بولىمدەردىڭ قىزمەتىمەن تانىسىپ, اسكەريلەرگە وتكەن سەسسيا بارىسىندا سەنات قابىلداعان زاڭ جوبالارى تۋرالى ايتىپ بەردى. ول بىرقاتار زاڭ اسكەري قىزمەتشىلەردىڭ الەۋمەتتىك-تۇرمىستىق جاعدايلارىن جاقسارتۋعا باعىتتالعانىن اتاپ ءوتتى.
سەرگەي ەرشوۆ سونىمەن قاتار ارتيللەريالىق بريگادا قىزمەتكەرلەرىمەن, سونداي-اق پريوزەرسك قالاسىنداعى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ قىزمەتكەرلەرىمەن اڭگىمەلەستى.
«بۇل بولىمشە بارلىق زاماناۋي تالاپتارعا تولىق سايكەس كەلەدى. قىزمەت جىلدام جۇزەتىن قۇتقارۋ كاتەرلەرىمەن, سۇڭگۋىر جانە سۋدا قۇتقارۋ جابدىقتارى مەن قۇرالداردىڭ جاڭا ۇلگىلەرىمەن جابدىقتالعان», دەپ اتاپ ءوتتى سەرگەي ەرشوۆ.
سەناتوردىڭ ءماسليحات دەپۋتاتتارىمەن جانە ايماق باسشىلىعىمەن كەزدەسۋى بارىسىندا ىنتىماقتاستىقتى كۇشەيتۋ جانە بىرلەسكەن جۇمىستى ۇدەتۋدىڭ ماڭىزى تۋرالى ءسوز بولدى.
* * *
ءماجىلىس دەپۋتاتتارى ءجاميلا نۇرمانبەتوۆا, ەلدوس اباقانوۆ, دينارا زاكيەۆا ەلورداداعى بىرقاتار الەۋمەتتىك نىساندا بولدى, دەپ حابارلادى تومەنگى پالاتانىڭ ءباسپاسوز قىزمەتى.
«№1 كوپبەيىندى قالالىق بالالار اۋرۋحاناسى» اياسىندا قۇرىلعان قازاقستان رەسپۋبليكاسى تۇڭعىش پرەزيدەنتى قورىنىڭ «قامقورلىق» ساۋىقتىرۋ ورتالىعىندا پارلامەنت وكىلدەرى ەرەكشە قاجەتتىلىگى بار بالالاردى قولداۋ ماسەلەلەرىنىڭ قالاي شەشىلىپ جاتقانىنا كوز جەتكىزدى. اتالعان ورتالىق ماماندارى ءاربىر بالا ءۇشىن ونىڭ اۋرۋىنىڭ ەرەكشەلىگىن ەسكەرە وتىرىپ, جەكە باعدارلاما دايىندايدى. بالالارمەن نەۆرولوگتەر, دەفەكتولوگتەر, پسيحولوگتەر جۇمىس ىستەيدى. بالالاردىڭ دەنساۋلىق جاعدايىن قالپىنا كەلتىرۋ ءۇشىن زاماناۋي تەحنولوگيالار پايدالانىلادى. وتكەن جىلدىڭ جەلتوقسان ايىندا قۇرىلعان ورتالىقتا قازىردىڭ وزىندە 300-دەي بالا ساۋىقتىرۋدان ءوتتى. ال جالپى جىل بويىنا 600-دەي بالانىڭ ەم قابىلداۋ مۇمكىندىگى بار.
ءماجىلىستىڭ الەۋمەتتىك-مادەني دامۋ كوميتەتىنىڭ توراعاسى ءجاميلا نۇرمانبەتوۆانىڭ ايتۋىنشا, قازاقستاندا تۇراقتى ساۋىقتىرۋدى قاجەت ەتەتىن 90 مىڭنان استام بالا بار. ەلباسىنىڭ باستاماسىمەن وسىنداي ورتالىقتار بۇكىل رەسپۋبليكا بويىنشا قۇرىلۋدا. بۇل – Nur Otan پارتياسىنىڭ سايلاۋالدى باعدارلاماسىنداعى نەگىزگى باسىمدىقتاردىڭ ءبىرى. ەلىمىزدە ينكليۋزيۆتى قوعامدى دامىتۋ ءۇشىن دەپۋتاتتار بىرقاتار زاڭ جوباسى بويىنشا بەلسەندى جۇمىس اتقارۋدا.
سونداي-اق دەپۋتاتتار 1200 ورىندى مەكتەپ قۇرىلىسىنىڭ جۇمىس بارىسىمەن تانىسىپ, نۇر-سۇلتان قالاسىنداعى بىرقاتار سپورت-ساۋىقتىرۋ كەشەنىندە بولدى.
پاۆلودار وبلىسىنا ساپار بارىسىندا ءماجىلىس دەپۋتاتتارى, Nur Otan پارتياسى فراكتسياسىنىڭ مۇشەلەرى ايگۇل نۇركينا, اناتولي بويچين جانە ۆەرا كيم ەكىباستۇز قالاسىندا «RWA Wheelset» جشس كاسىپورنىنىڭ جۇمىسشىلارىمەن كەزدەستى. زاۋىتتىڭ تەحنولوگيالىق مۇمكىندىكتەرىن, سونداي-اق وندىرلەتىن ونىمگە سۇرانىستى ەسكەرە وتىرىپ, دەپۋتاتتار جالاقىنى كوتەرۋ جانە جاستار الەۋەتىن ءتيىمدى پايدالانۋ ماسەلەلەرىنە باسا نازار اۋداردى. ايگۇل نۇركينانىڭ ايتۋىنشا, ءوندىرىس ورنىندا جاس مامانداردىڭ كاسىبي ءوسىپ-جەتىلۋى ءۇشىن بارلىق جاعداي جاسالعان.
ءماجىلىس دەپۋتاتتارى, Nur Otan فراكتسياسىنىڭ مۇشەلەرى البەرت راۋ, سامات اكيشەۆ, ءاليا ساپاروۆا جانە ەكاتەرينا سمىشلياەۆا پارتيانىڭ سايلاۋالدى باعدارلاماسىنىڭ ورىندالۋ بارىسىمەن تانىسۋ كەزىندە رۋدنىي قالاسىنداعى 60 پاتەرلى ەكى تۇرعىن-ءۇي قۇرىلىسىمەن تانىستى. بۇل ۇيلەر الەۋمەتتىك جاعىنان از قامتىلعان 120 وتباسىن باسپانامەن قامتاماسىز ەتەدى دەپ كۇتىلۋدە. قۇرىلىس جۇمىسى بيىلعى جىلدىڭ سوڭىندا اياقتالادى دەپ جوسپارلانعان. كەزدەسۋدە دەپۋتاتتار بىرقاتار وزەكتى ماسەلەنى تالقىلادى. اسىرەسە قۇرىلىس ماتەريالدارىنىڭ قىمباتتاۋى, قۇرىلىس قارقىنىنىڭ باياۋلىعى نازار اۋدارارلىق. ماسەلەن, جالعا بەرىلەتىن پاتەرگە 3 مىڭ ادام كەزەكتە تۇر, ال وسى جىلى تەك 120 پاتەر عانا پايدالانۋعا بەرىلەدى. كوپتەگەن ماسەلە تۇرعىن ءۇي ساياساتى تۋرالى تۇجىرىمدامادا قامتىلعان. ول كۇزدە ماجىلىستە قارالاتىن بولادى.
دەپۋتاتتار اتاپ وتكەندەي, رۋدنىي قالاسىندا پارتيانىڭ سايلاۋالدى ۋادەلەرىنىڭ ۋاقىتىندا ورىندالۋىنا ەشقانداي كەدەرگى جوق. باسپانا ماسەلەسى جوسپارلانعان ۋاقىتتا شەشىمىن تاپپاق.
