بىلتىرعى قاراشادا وبلىستىق ەكولوگيا دەپارتامەنتى جەرگىلىكتى قوعام بەلسەندىلەرىمەن بىرگە اتىراۋ قالاسىنىڭ ەكولوگيالىق احۋالىنا مونيتورينگ جۇرگىزۋ كەزىندە ء«اموز» جشس تاراپىنان اعىزىلعان سۋ قۇرامىندا مۇناي ونىمدەرى مەن بيولوگيالىق شلامنىڭ بارىن انىقتاعان ەدى.
«اتالعان دەرەككە قاتىستى ء«اموز» جشس-نە قاتىستى جوسپاردان تىس تەكسەرىس جۇرگىزىلىپ, الىنعان سىناماداعى سۋ قۇرامىندا جوبالىق قۇجاتتامادا بەلگىلەنگەن ەميسسيانىڭ نورمادان اسقانى انىقتالدى. اتاپ ايتقاندا, جالپى تەمءىر جانە قۇرعاق قالدىقتار 1,5 ەسە, سۋلفات 2,5 ەسە, ازوت اموني 5 ەسە, مۇناي ونىمدەرى 6 ەسە جانە ولشەۋلى زاتتار 628 ەسە اسقان. وسىلايشا, سارقىندى سۋلاردى تازارتۋسىز تىكەلەي اعىزۋعا جول بەرىپ, قر ءاكىمشىلىك قۇقىقبۇزۋشىلىق تۋرالى كودەكسىنىڭ 328-بابىن بۇزدى» دەپ حابارلادى دەپارتامەنتتىڭ ءباسپاسوز قىزمەتى.
ەكولوگيالىق كودەكستىڭ 118-بابىن باسشىلىققا العان دەپارتامەنت ماماندارى تەكسەرىس ماتەريالدارىن پوليتسيا دەپارتامەنتىنە جولداعان ەدى. الايدا, پوليتسيا دەپارتامەنتى ء«اموز» جشس-نە قاتىستى قوزعالعان قىلمىستىق ءىسءتى قىسقارتقان.
«ەكولوگيا دەپارتامەنتءى ء«اموز» جشس-نە قاتىستى اكىمشىلىك ءىس قوزعادى. سەرىكتەستىك 60 221 655 تەڭگە اكىمشىلىك ايىپپۇل مولشەرىندە اكىمشىلىك جازاعا تارتىلدى», دەپ ءمالىم ەتتى ءباسپاسوز قىزمەتىنەن.
