2021 جىلدىڭ ءبىرىنشى جارتىجىلدىعى بويىنشا قۇرىلعان رەيتينگتە قازاقستان 95 ەلدىڭ ىشىندە 58-ءشى ورىنعا يە بولدى. كوش باسىندا تايۆان, وڭتۇستىك كورەيا جانە فرانتسيا تۇر.
رەيتينگتە ەلدىڭ يندەكسى 59,62 بولدى. ول 100-گە نەعۇرلىم جاقىن بولسا, ەلدەگى دەنساۋلىق ساقتاۋ جۇيەسى سوعۇرلىم جاقسى دەپ سانالادى. يندەكستى ەسەپتەۋ كەزىندە دەنساۋلىق ساقتاۋ ماماندارىنىڭ, دارىگەرلەردىڭ بىلىكتىلىگى, جابدىقتار ساپاسى, قىزمەت باعاسى جانە ت.ب نازارعا الىنادى.
تمد ەلدەرىنىڭ ىشىندە رەسەي, ۋكراينا, بەلارۋسسيا, ءازىربايجان كورسەتكىشتەرى قازاقستانعا قاراعاندا ناشار. سوڭعى قاتاردا ۆەنەسۋەلا تۇر.
Ranking.kz جازۋىنشا, 2021 جىلدىڭ ءبىرىنشى توقسانىندا ەلىمىزدىڭ دەنساۋلىق ساقتاۋ سالاسىندا 546,4 ملرد تەڭگەگە قىزمەت كورسەتىلگەن. بۇل 2020 جىلدىڭ سايكەس كەزەڭىمەن سالىستىرعاندا 47,2% كوپ.
ايماقتىق كونتەكستتە قىزمەتتەردىڭ ەڭ ۇلكەن كولەمى الماتىعا تيەسىلى (93,8 ملرد تەڭگە), بۇل وتكەن جىلمەن سالىستىرعاندا 46% كوپ. جەتەكشى ءۇش ايماققا نۇر-سۇلتان قالاسى (71,1 ملرد تەڭگە) جانە الماتى وبلىسى (45,1 ملرد تەڭگە) كىردى.
بيىل بيۋدجەت ەسەبىنەن 429,8 ملرد تەڭگەگە مەديتسينالىق قىزمەت كورسەتىلگەن. بۇل وتكەن جىلمەن سالىستىرعاندا 46,7% ارتىق. حالىق ەسەبىنەن كورسەتىلەتىن قىزمەتتەر كولەمى 31,5%-عا, ياعني 65,9 ملرد تەڭگەگە دەيىن ءوستى. كاسىپورىندار ەسەبىنەن كورسەتىلگەن قىزمەت قۇنى - 81,5%-عا ارتىپ, 50,7 ملرد تەڭگەنى قۇرادى.
قىزمەت تۇرلەرى بويىنشا 285,3 ملرد تەڭگە - ستاتسيونارلىق قىزمەتتەرگە, 113,9 ملرد تەڭگە - جالپى دارىگەرلىك پراكتيكا سالاسىنداعى قىزمەتتەرگە, 34,7 ملرد تەڭگە - ارنايى مەديتسينالىق پراكتيكا سالاسىنداعى قىزمەتتەرگە, 15,4 ملرد تەڭگە ستوماتولوگيا سالاسىنا جۇمسالعان.
