بقو سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتى بويىنشا, كوروناۆيرۋسقا شالدىققان 732 ادامنىڭ 531-ىندە اۋرۋ بەلگىلەرى بار بولسا, 201-ءى - سيمپتومى جوقتار.
ىندەت جۇقتىرعانداردىڭ 471-ءى جرۆي بەلگىلەرى بويىنشا تەكسەرىلگسە, 106-سى بۇرىن اۋىرعاندارمەن قارىم-قاتىناستا بولعان. 107-سىنەن پروفيلاكتيكالىق ماقساتتا, ال 6 ادامنان ستاتسيونارعا جاتقىزار الدىندا سىناما الىنعان.
ءتورت كۇندە اۋرۋى انىقتالعانداردىڭ 328-ءى ورال قالاسى, 123-ءى بايتەرەك, 101-ءى ءبورلى, 34-ءى تەرەكتى, 27-ءسى اقجايىق اۋدانىنىڭ ۇلەسىنە تيەدى.
پاندەميا باستالعان كەزەڭنەن بەرى وڭىردە بارلىعى 26188 ناۋقاس تىركەلىپ, سونىڭ 20735-ءى جازىلىپ شىقسا, 418-ءى كوز جۇمدى.
ەپيدەميولوگتاردىڭ ايتۋىنشا, ىندەت كوزى قوعامدىق كولىكتەردە, ادامدار ءجيى جينالاتىن جەرلەردە. ساۋدا ۇيلەرىندە, مەديتسينا ۇيىمدارىندا, قوعامدىق تاماقتاندىرۋ ورىندارىندا ءجيى تارالادى. سونداي-اق, بۇرىن اۋىرعاندارمەن قارىم-قاتىناسقا ءتۇسۋ كەزىندە, ەسكە الۋ, توي-تومالاققا بارعاندا دا كارانتيندىك تالاپتار ساقتالماسا, جۇمىس ورىندارىندا دا جۇعۋى ىقتيمال.
ەسكە سالا كەتسەك, بۇدان بۇرىن باتىس قازاقستاندا سوڭعى اپتادا كوروناۆيرۋس جۇقتىرعاندار سانى 41 پايىزعا ءوسىپ, وسىعان بايلانىستى قوسىمشا شەكتەۋ شارالارىن ەنگىزۋ ۇسىنىلعان بولاتىن.
