«بۇگىن الەمدە COVID-19 پاندەمياسىنىڭ اياسىندا تاعى ءبىر قايعىلى رەكورد ورناتىلدى. وسى ۆيرۋستىڭ سالدارىنان ءتورت ميلليون ادام قايتىس بولدى», دەدى بۇۇ باس حاتشىسى.
«ەگەر ۆيرۋس ورمان ءورتى سياقتى تارالسا, كوپتەگەن ميلليونداعان ادامدارعا قاۋىپ تونەدى. ول نەعۇرلىم كوپ تارالسا, سوعۇرلىم جۇقپالى, ولىمگە اكەلەتىن جانە قولدانىستاعى ۆاكتسينالاردىڭ تيىمدىلىگى ازايتاتىن شتامدار پايدا بولادى», دەدى دۇنيەجۇزىلىك ۇيىمنىڭ باسشىسى.
سونىمەن قاتار, گۋتەرريش جاھاندىق ۆاكتسيناتسيا جوسپارىن جۇزەگە اسىرۋ ءۇشىن توتەنشە جۇمىس توبىن قۇرۋعا شاقىردى. باس حاتشىنىڭ ۇسىنىسىنا سايكەس, وعان ۆاكتسينالار شىعارۋعا مۇمكىندىگى بار بارلىق ەلدەر, سونداي-اق دۇنيەجۇزىلىك دەنساۋلىق ساقتاۋ ۇيىمى, ۆاكتسينالار جونىندەگى جاھاندىق اليانس جانە ءتيىستى فارماتسەۆتيكالىق كومپانيالارمەن جانە وندىرۋشىلەرمەن جۇمىس ىستەۋگە قابىلەتتى حالىقارالىق قارجى ينستيتۋتتارى كىرۋى كەرەك.
