اقشالاي سىياقى ءۇشىن 34 جاستاعى ەر ادام جەلىدەگى پاترۋلدىك قىزمەتكەرلەر تۋرالى ارانداتۋشىلىق بەينەنى جاريالاماۋ ءۇشىن 50 مىڭنان 200 مىڭ تەڭگەگە دەيىن تالاپ ەتكەن.
ەر ادام 300 دوللار كولەمىندەگى اقشانى قولىنا الىپ جاتقان كەزدە ۇستالعان.
«بۇل جەدەل ءارى ارنايى ءىس-شارالار جۇرگىزىلگەننەن كەيىن راستالدى. كۇدىكتىنى قالانىڭ اۋەزوۆ اۋدانىندا 300 دوللار تالاپ ەتىلگەن كەزدە ۇستادىق. زاتتاي دالەلدەمەلەر الىنىپ, قر قك 194-بابى, 2-بولىگى بويىنشا قىلمىستىق ءىس ماتەريالدارىنا تىركەلدى», دەپ حابارلادى الماتى پوليتسيا دەپارتامەنتى باستىعىنىڭ ورىنباسارى رۋستام ءابدىراحمانوۆ.
قاسكۇنەم ۋاقىتشا ۇستاۋ يزولياتورىنا قامالدى. بوپسالاۋ فاكتىسى بويىنشا اشىلعان ىسپەن تەرگەۋ باسقارماسى اينالىسادى.
