سەريالدا عارىشكەرلەردىڭ بايقوڭىر ايلاعىنان حالىقارالىق عارىش ستانتسياسىنا دەيىنگى ساياحاتى كورسەتىلەدى.
تۋىندىدا باستى ءرولدى قازاقستاندىق اكتەر دانيار الشىنوۆ سومدايدى. ونىڭ كەيىپكەرى يسااك تۇرعىن ەسىمدى قازاقستاندىق پوليتسەي. ودان بولەك سەريالداعى قوسالقى رولدەرگە كانن كينوفەستيۆالىنىڭ جەڭىمپازى سامال ەسلاموۆا جانە فرانتسۋز اكتەرلەرى ءتۇسىپ جاتىر. التى سەريادان تۇراتىن فانتاستيكالىق تۋىندىنىڭ تۇساۋكەسەرى 2022 جىلدىڭ كوكتەمىندە وتەدى دەپ جوسپارلانعان. سەريال الدىمەن فرانتسۋز تىلىندە جارىققا شىقسا, كەيىن قازاق جانە باسقا دا تىلدەرگە اۋدارىلادى.
«سەريالدىڭ جەلىسى بايقوڭىردا وتەدى. قازاق پوليتسەيى عارىش ايلاعىندا عارىشكەردىڭ مۇردەسىن تاۋىپ الادى. وسى قىلمىستى اشۋ جولىندا سان ءتۇرلى شىتىرمان وقيعالاردى باستان وتكەرەدى. فانتاستيكالىق جانرداعى سەريال كورەرمەندەردىڭ كوڭىلىنەن شىعادى دەپ سەنەمىن», دەدى رەجيسسەر تەرري پۋارو.
