زاۋىتتىڭ باس ديرەكتورى شۋحرات دانبايدىڭ مالىمەتىنشە, ماۋسىم ايىندا جوسپارعا سايكەس, 467 مىڭ توننا مۇناي وڭدەلگەن. ال شىلدەدە مۇناي وڭدەۋ كولەمىن 485 مىڭ تونناعا جەتكىزۋ جوسپارلانىپ وتىر. قازىر زاۋىتتا تاۋلىگىنە 4 600 توننا بەنزين, 5 200 توننا ديزەل وتىنى وندىرىلەدى.
ءماجىلىس دەپۋتاتتارى زاۋىتتاعى TAZALYQ جوباسى اياسىنداعى جاڭا مەحانيكالىق تازارتۋ نىسانىنىڭ قۇرىلىس الاڭىنا باردى. بيىل مۇندا ءتورت تەحنولوگيالىق بلوكتىڭ ەكەۋىن اياقتاۋ كوزدەلىپ وتىر. قۇرىلىستىڭ قالعان بولىگى كەلەسى جىلى اياقتالادى.
سونداي-اق, مۇندا بۋلانۋ الاڭىن رەكۋلتيۆاتسيالاۋ ىسكە اسىرىلىپ جاتىر. كاسىپورىن اۋماعىندا قاعازعا, شىنىعا جانە پلاستيككە ارنالعان بىرنەشە ءتۇرلى-ءتۇستى كونتەينەر ورناتىلعان.
«كاسىپورىن اۋقىمدى ەكولوگيالىق ماسەلەلەردى وڭ شەشۋدى قولعا الدى. قوقىستى سۇرىپتاۋدىڭ جاڭا جوباسىن باستادى. مۇنىڭ ءبارى قورشاعان ورتانىڭ تازالىعىنا سەپتىگىن تيگىزەدى», دەيدى ءماجىلىس دەپۋتاتى دۇيسەنباي تۇرعانوۆ.
