«ۇلتتىق تەستىلەۋ ورتالىعىنىڭ جەرگىلىكتى فيليالدارىن ازايتۋ بويىنشا جۇمىس جۇرگىزىلسىن. ولار ەڭ باستى, ەڭ ماڭىزدى ورتالىقتاردا عانا جۇمىس ىستەيدى. ەلەكتروندى تەستىلەۋگە كوشكەننەن كەيىن ولارعا قاجەتتىلىك جوق», دەدى ا.ايماعامبەتوۆ.
مينيستر ۇلتتىق تەستىلەۋ ورتالىعىنىڭ باسشىلىعى مەن ۆيتسە-مينيسترگە وسى باعىتتاعى جۇمىستى جۇرگىزۋدى تاپسىردى.
ايتا كەتەيىك, ۇلتتىق تەستىلەۋ ورتالىعىنىڭ فيليالدارى وبلىس ورتالىقتارى مەن ءىرى قالالاردا, اۋدان ورتالىقتارىندا ورنالاسقان. الايدا بيىلدان باستاپ وقۋشىلار تەستى كەز كەلگەن وڭىردە تاپسىرا الادى.
