قوعام • 07 شىلدە، 2021

زورلىق-زومبىلىقتى تەرگەيتىن توپتىڭ قۇرامىنا ايەل تەرگەۋشىلەر الىندى

68 رەت كورسەتىلدى

پرەزيدەنت قاسىم-جومارت توقاەۆتىڭ ۇلتتىق قوعامدىق سەنىم كەڭەسىنىڭ اقپان ايىنداعى وتىرىسىندا ايتقان تاعى ءبىر تاپسىرماسى ىسكە استى، دەپ حابارلايدى Egemen.kz.

بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي Facebook پاراقشاسىندا جازدى. «ايەلدەر مەن بالالارعا قارسى جاسالعان زورلىق-زومبىلىق قىلمىستاردى تەرگەيتىن توپتاردىڭ قۇرامىنا ارنايى تەرگەۋشى ايەلدەردى ەنگىزۋ كەرەك. بۇل جابىرلەنۋشىگە قاتىستى تەرىس ارەكەتتەردىڭ الدىن الۋعا مۇمكىندىك بەرەدى»، دەگەن بولاتىن پرەزيدەنت ۇلتتىق كەڭەس وتىرىسىندا.

بەرىك ءۋاليدىڭ جازۋىنشا، بۇگىندە پوليتسيا دەپارتامەنتتەرىندە تۇراقتى جۇمىس ىستەيتىن جەدەل-تەرگەۋ توپتارى قۇرىلىپ، ولاردىڭ قۇرامىنا تەرگەۋشى ايەلدەر الىنعان.

«ايەلدەر مەن كامەلەكەتكە تولماعاندارعا قاتىستى جاسالعان جىنىستىق قىلمىستاردى اشۋ جانە تەرگەۋ جونىندەگى وسىنداي توپتاردىڭ جۇمىسىن ۇيىمداستىرۋ تۋرالى ەرەجە بەكىتىلدى. جەكە ادامعا قارسى قىلمىستاردى تەرگەۋ جونىندەگى قالالىق جانە اۋداندىق باسقارمالاردىڭ، سونداي-اق، پوليتسيا دەپارتامەنتتەرىنىڭ تەرگەۋ باسقارمالارىنىڭ بولىمشەلەرىندە ايەلدەر مەن كامەلتكە تولماعاندارعا قاتىستىق زورلىق-زومبىلىق قىلمىستاردى تەرگەۋ توپتارى قۇرىلدى. ولاردىڭ قۇرامىنا تەرگەۋشى ايەلدەر ەنگىزىلدى»، دەپ جازدى پرەزيەنتتىڭ ءباسپاسوز حاتشىسى.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار