«7 شىلدەدە ءورت سوندىرۋشىلەر بوستاندىق اۋدانى, بۇحار جىراۋ كوشەسى, 27/5-گە مەكەن-جايىنا شاقىرتۋعا شىقتى. ساعات 12:43-تە كەلگەن بويدا بيىك قاباتتى تۇرعىن ءۇيدىڭ 13-قاباتىنداعى پاتەردەن ءتۇتىن شىعىپ جاتقانىن كورىپ, ءورتتى سوندىرۋگە كىرىستى. گاز-تۇتىننەن قورعاۋ قىزمەتىنىڭ ماماندارى بارلاۋ جۇرگىزىپ, تۇرعىنداردى ەۆاكۋاتسيالاۋ جۇرگىزىلدى, ءورت وشاعىنا ءورت وقپاندارى بەرىلىپ, ءورت اۆتوساتى ورنالاستىرىلدى», دەلىنگەن الماتى قالالىق تجد شۇعىل تاراتقان اقپاراتىندا.
ەۆاكۋاتسيا جولىندا ادامداردى قۇتقارۋ كەزiندە تازا اۋا جiبەرۋ ءۇشiن اد-120 ءتۇتiن جويۋشى اۆتوكولiگi دە جەتكىزىلگەن.
ءورت 13:45 تە تولىعىمەن جويىلدى. ءورت شىققان ۇيدەن 45 ادام قۇتقارىلعان. ولاردىڭ 15-ءى بالا. قۇتقارۋ جۇمىستارى كەزىندە 90 مەترلىك ءورت اۆتوكوتەرگىشى, 37 مەترلىك ءورت اۆتوساتىسى قولدانىلدى.
