ايماقتار • 06 شىلدە، 2021

ورالدا 36 وتباسى اپاتتى ۇيدەن جاڭا پاتەرگە كوشتى

55 رەت كورسەتىلدى

استانا كۇنى قارساڭىندا جانە تاۋەلسىزدىكتىڭ 30 جىلدىعىنا وراي ورال قالاسىندا 90 پاتەرلى تۇرعىن ءۇي پايدالانۋعا بەرىلدى دەپ حابارلايدى Egemen.kz.

ءدال وسى عيماراتتىڭ ورنىندا بۇرىن اپات جاعدايىنا كەلىپ، كونەرگەن ءۇي تۇرۋشى ەدى. مەملەكەتتىك-جەكە مەنشىكتىك ارىپتەستىك نەگىزىندە «بولاشاق-ت» قۇرىلىس كومپانياسى كونە ءۇيدىڭ ورنىنا 90 پاتەرلىك عيمارات تۇرعىزدى. جاڭا ۇيدەگى جايلى پاتەردىڭ كىلتىن ەڭ الدىمەن اپاتتى ءۇي تۇرعىندارى الدى.

ء«بىزدىڭ بۇگىنگى قۋانىشىمىز استانا كۇنى مەرەكەسىمەن تۇسپا-تۇس كەلىپ جاتىر. وسى كۇندى كوپتەن كۇتىپ جۇرگەن ەدىك. جاڭا باسپانامىز ىرىس-بەرەكەگە تولسىن، كورشىلەرىمە شىن جۇرەگىمنەن باقىت، ىنتىماق تىلەيمىن، قونىس قۇتتى بولسىن!»، دەدى وسى كوشەنىڭ بايىرعى تۇرعىنى، «التىن القا» يەگەرى، 11 بالا تاۋىپ وسىرگەن مءاستۋرا اتاۋلينا.

جاڭا پاتەرگە يە بولعان قالالىقتاردىڭ قۋانىشىن بولىسۋگە باتىس قازاقستان وبلىسىنىڭ اكىمى عالي ەسقاليەۆ تە كەلدى. «تۇڭعىش پرەزيدەنتىمىز، ەلباسى نۇرسۇتان ءابىش ۇلى نازارباەۆتىڭ كورەگەن ساياساتىنىڭ ارقاسىندا قازاقتىڭ بايتاق دالاسىندا تەڭدەسى جوق شاھار بوي كوتەردى. سوڭعى 20 جىلدىڭ ىشىندە استانامىزدا حالىقتىڭ سانى بەس ەسە كوبەيىپ، ميلليوننىڭ ۇستىنە شىقتى. وڭىرلەر ەلورداعا قاراپ بوي تۇزەيدى، داميدى. سونىڭ ءبىر كورىنىسىندەي جاڭا ءۇيىمىز مەملەكەتتىك-جەكە مەنشىكتىك ارىپتەستىك اياسىندا سالىندى. بۇل ءۇيدىڭ قۇرىلىسىن جۇرگىزۋ ءۇشىن مەملەكەت تاراپىنان ينفراقۇرىلىم تارتىلدى، 100 ميلليون تەڭگەدەن استام قاراجات ءبولىندى. وسى جەردەگى اپاتتى ۇيدە تۇرعان 36وتباسى جاڭا ۇيگە كوشۋگە مۇمكىندىك الدى. ساپاسى جاقسى، باعاسى دا ءتيىمدى ءۇي سالعان «بولاشاق-ت» كومپانياسىنا العىس ايتامىز» دەدى ءوز سوزىندە ءوڭىر باسشىسى.

ورال قالاسى اكىمىنىڭ ورىنباسارى ميراس مۇلكايدىڭ ايتۋىنشا، وبلىس ورتالىعىندا 52 ءۇي رەسمي تۇردە اپاتتى دەپ تانىلعان. ودان بولەك سالىنعانىنا 50 جىلدان اسقان 200 ءۇي دە كونەرگەن عيماراتتار قاتارىنا كىرەدى. 2015 جىلدان بەرى كونە ۇيلەردى جاڭعىرتۋ جوباسى بويىنشا ورال قالاسىندا 19 ءۇي جويىلىپ، ونىڭ ورنىنا كوپقاباتتى، زاماناۋي 8 عيمارات بوي كوتەرگەن. بۇل ۇيلەردەن 1،5 مىڭنان اسا ادام جاڭا پاتەرگە كوشتى. باعدارلاما الداعى جىلدارى دا جالعاسادى.

 

سوڭعى جاڭالىقتار

جىل ءسوزى

الەم • بۇگىن، 20:36

ەنەرگەتيكا – ەكونوميكا درايۆەرى

ەكونوميكا • بۇگىن، 20:31

قۇلدىرامايتىن قۇندىلىق

تانىم • بۇگىن، 20:20

اۋعانستاندا جارىلىس بولدى

الەم • بۇگىن، 12:21

ۇقساس جاڭالىقتار