جاڭا قۇجاتتا كوروناۆيرۋس ينفەكتسياسى بويىنشا ەپيدەميولوگيالىق جاعداي تۇراقتالعانشا تۇركىستان وبلىسى اۋماعىندا كارانتين مەن شەكتەۋ شارالارىن قاتاڭداتۋ جازىلعان.
«بۇقارالىق ءىس-شارالاردى, وتباسىلىق ءىس-شارالاردى كوپشىلىك جينالاتىن ورىندار مەن ءۇي اۋماعىندا وتكىزۋگە تىيىم سالىنسىن.
قوعامدىق ورىندارعا جانە قىزمەتىنە رۇقسات ەتىلگەن نىساندارعا بارعاندا ماسكا تاعۋ, الەۋمەتتىك ارا قاشىقتىق ساقتاۋ جانە انتيسەپتيك پايدالانۋ تالاپتارى قاتاڭ ساقتالسىن.
ويىن-ساۋىق نىساندارىنىڭ (تۇنگى ويىن كلۋبتارى, كاراوكە, بۋكمەكەرلىك كەڭسەلەر, جابىق عيماراتتاعى بالالار الاڭدارى, باتۋت پەن اتتراكتسيوندار) قىزمەتىنە تىيىم سالىنسىن.
«Ashyq» جوباسىنا قاتىسپاعان نىساندار – مادەنيەت نىساندارى, تەاترلار, كينوتەاترلار, كونتسەرت زالدارى, فيلارمونيالار, وبلىسارالىق تۇراقتى ەمەس تاسىمالدار (تۋريستىك), بيليارد, كومپيۋتەرلىك كلۋبتار, بوۋلينگ, تسيرك, بانكەت زالدارىنىڭ قىزمەتىنە تىيىم سالىنسىن», دەپ جازىلعان قۇجاتتا.
65 جاستان اسقان ادامداردىڭ اۋدان, كالالاردا قاجەتتىلىك تۋىنداماعان جاعدايدا ءجۇرۋىن شەكتەۋ جازىلعان.
سونىمەن بىرگە, قالالىق قوعامدىق كولىك جۇمىسىنا ساعات 06:00-دەن 23:00-گە دەيىن رۇقسات ەتىلگەن. وندا مىندەتتى تۇردە ماسكا تاعۋ, سانيتايزەر ورناتۋ جانە 50% تولىمدىلىعىن ساقتاۋ تالاپ ەتىلگەن.
