وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ مالىمەتىنشە, اتىراۋلىقتار 6 شىلدەدە ەش كەدەرگىسىز كوروناۆيرۋس ينفەكتسياسىنا قارسى ەكپە الۋىنا بولادى.
«اتىراۋ وبلىسىندا ۆاكتسينالاردىڭ I كومپونەنتىن 90 مىڭنان استام ادام الدى.
ۆاكتسينالاردىڭ تولىق كەشەنىن 50 مىڭنان استام تۇرعىن سالدىردى. سوعان قاراماستان, قازىر اتىراۋ وبلىسىندا اسا قاۋىپتى «دەلتا» شتامى بەلسەندى تارالۋدا. سول سەبەپتەن, قاۋىپتى ۆيرۋستىڭ تارالۋىن تەجەۋ ءۇشىن ۆاكتسينا سالدىرعان ءجون. سوندا عانا ءوزىڭىزدى, تۋىستارىڭىز مەن جاقىن ادامدارىڭىزدى قورعاي الاسىز» دەپ حابارلادى باسقارمانىڭ ءباسپاسوز قىزمەتى.
