«بارشاڭىزدى ۇلتتىق دومبىرا كۇنىمەن قۇتتىقتايمىن!
دومبىرا – ۇلتىمىزدىڭ ءۇنى, كۇمبىرىنە حالقىمىزدىڭ تاريح داستانىن, قۋانىشى مەن مۇڭىن, ەرلىگى مەن ەركىندىگىن تۇگەل سىيدىرىپ تۇرعان قاسيەتتى اسپاپ. سول سەبەپتى دومبىرا ۇلتتىق برەندىمىز عانا ەمەس, ۇلتتىق بولمىسىمىز دەپ سەنىمدى تۇردە ايتا الامىز.
ءتول مۋزىكامىزدىڭ جاھاندىق بيىككە كوتەرىلۋىندە دە دومبىرانىڭ ورنى ەرەكشە. وعان قۇرمانعازى مەن تاتتىمبەتتەن, سۇگىر مەن دينادان قالعان كۇيلەر دالەل. جىراۋلاردىڭ جىر-تەرمەلەرى مەن سال-سەرىلەردىڭ اۋەزدى اندەرى دە دومبىرا ارقىلى تۇرلەنە ءتۇستى.
قازىرگى تاڭدا قاسيەتتى اسپاپتىڭ قادىرىن ارتتىرۋ ارقىلى ۇلتتىق كودىمىزدى جاڭعىرتۋ – ءبارىمىزدىڭ ابىرويلى مىندەتىمىز. ەلباسىمىزدىڭ ۇلتتىق دومبىرا كۇنىن بەلگىلەۋدەگى باستى ماقساتى دا وسى ەكەنى انىق. سونىڭ اياسىندا سوڭعى كەزدەرى دومبىراعا, جالپى ۇلتتىق ونەرگە دەگەن قىزىعۋشىلىق ەرەكشە سيپاتقا يە بولعانى انىق بايقالادى. سوندىقتان الداعى ۋاقىتتا دومبىرانىڭ قادىر-قاسيەتى بۇرىنعىدان دا ارتا تۇسەتىنىنە ەشقانداي كۇمان جوق.
ەندەشە ءتول قۇندىلىعىمىزدى تورگە وزدىراتىن مەرەكە قۇتتى بولسىن! قاستەرلى دومبىرامىزدىڭ ءۇنى اسپانداي بەرسىن!», دەلىنگەن ماۋلەن اشىمباەۆتىڭ جازباسىندا.
