«Closing the Gender Gap» اكسەلەراتورى ايەلدەردىڭ جەتەكشى لاۋازىمدارعا كوتەرىلۋىنە جاقسى مۇمكىندىكتەر قۇرۋعا جانە تەز دامىپ كەلە جاتقان سەكتورلارعا قايتا جۇمىسقا ورنالاسۋ ماقساتىندا وقىتۋ ارقىلى جۇمىس كۇشىنىڭ قاتىسۋىن ارتتىرۋعا باعىتتالعان. ىنتىماقتاستىق مودەلى بولاشاق ۇرپاقتار ءۇشىن گەندەرلىك تەڭدىكتى جەدەلدەتۋ ماقساتىندا مەملەكەتتىك جانە جەكە سەكتور باسشىلارىن بىرىكتىرەدى. قازاقستان ورتالىق ازيا ەلدەرىنىڭاراسىندا اكسەلەراتورعا قوسىلعان ەڭ العاشقى مەملەكەت بولدى. قازاقستاننىڭ مەملەكەتتىك ورگاندارى, دۇنيەجۇزىلىك ەكونوميكالىق فورۋم (دەف) جانە «استانا حالىقارالىق قارجى ورتالىعى» (احقو) نيەت حاتىنا قول قويدى.
سەسسياعا دەف پەن قازاقستان وكىلدەرى قاتىستى, ونىڭ ىشىندە انار وماروۆا - احقو باسقارۋشىسىنىڭ اعا كەڭەسشىسى; سااديا زاحيدي - دۇنيەجۇزىلىك ەكونوميكالىق فورۋمنىڭ باسقارۋشى ديرەكتورى; دوكتور رانيا ا. ال-ماشات - ەگيپەت اراب رەسپۋبليكاسىنىڭ حالىقارالىق ىنتىماقتاستىق ءمينيسترى; لاززات رامازانوۆا - قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى.
سەسسيا بارىسىندا احقو دەف-نا ۇلتتىق دەڭگەيدەگى باستامانى قۇرعانى ءۇشىن, ءارتۇرلى ەلدەردەگى گەندەرلىك تەپە-تەڭدىكتى ساقتاۋعا جانە ايەلدەردىڭ بىلىمىنە, دامۋىنا جانە كاسىبي وسۋىنە قوسقان ۇلەسى ءۇشىن, سونداي-اق, ايەلدەردىڭ قۇقىقتارى مەن مۇمكىندىكتەرىن جاقسارتۋ تاجىريبەلەرىن ەنگىزگەنى ءۇشىن ارنايى ماراپاتىن تابىس ەتتى.
سااديا زاحيدي, دۇنيەجۇزىلىك ەكونوميكالىق فورۋمنىڭ باسقارۋشى ديرەكتورى:
«دۇنيەجۇزىلىك ەكونوميكالىق فورۋم اتىنان مەن احقو-نىڭ ارنايى ماراپاتىنا يە بولعانىمىز ءۇشىن شىن جۇرەكتەن العىسىمىزدى بىلدىرگىم كەلەدى. گەندەرلىك تەڭدىككە قول جەتكىزۋ جۇمىس ورنىندا, ءبىلىم بەرۋ جۇيەسىندە جانە ءۇي شارۋاشىلىعىندا وتە ماڭىزدى مىندەت بولىپ قالا بەرەدى, جانە ءبىز وسى ماقساتقا جەتۋگە ۇمتىلامىز. بۇل قيىندىقتاردى شەشۋ قيىن بولعانىمەن, ۇكىمەت پەن بيزنەس كوشباسشىلارى اراسىنداعى ىنتىماقتاستىق ارقىلى ءبىز جۇيەلى جانە تۇراقتى پروگرەسكە قول جەتكىزە الامىز. ءبىز قازاقستانداعى اكسەلەراتوردى ىسكە قوسۋ ارقىلى ەكونوميكالىق سالاداعى گەندەرلىك الشاقتىقتى جويۋ جولىنداعى سەرىكتەستىگىمىزدى اسىعا كۇتەمىز».
احقو ۇيلەستىرۋشى رولىندە جەكە جانە كۆازيمەملەكەتتىك كومپانيالاردى اكسەلەراتور باعدارلاماسىنا قوسىلۋعا شاقىردى. ايتا كەتسەك, بۇل جەكە جانە مەملەكەتتىك سەكتورلاردىڭ بىرلەسكەن ءىرى جوبالارىنىڭ ءبىرى: اكسەلەراتورعا قاتىسۋعا 50-دەن استام كومپانيا شاقىرىلدى.
لاززات رامازانوۆا, قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى:
ء«بىزدىڭ گەندەرلىك تەڭدىككە قول جەتكىزۋ جانە ايەلدەردىڭ مۇمكىندىكتەرىن كەڭەيتۋ جونىندەگى كوزقاراسىمىز «Closing the Gender Gap» اكسەلەراتورىنىڭ ماقساتتارىنا تولىق سايكەس كەلەدى.
مەن جەكە سەكتورداعى كومپانيالاردى وسىنداي جاھاندىق باستاماعا قاتىسۋعا, وسى ماسەلەنى جاقسارتۋ بويىنشا ءوز پىكىرلەرىمەن بولىسۋگە, سونداي-اق قازاقستاندا جانە بۇكىل الەمدە گەندەرلىك تەڭدىككە قول جەتكىزۋگە ۇلەس قوسۋعا شاقىرامىن».
انار وماروۆا, احقو باسقارۋشىسىنىڭ اعا كەڭەسشىسى:
«احقو اكسەلەراتورعا ايەلدەردىڭ ەكونوميكالىق مۇمكىندىكتەرىن كەڭەيتۋ ماقساتىندا بەلسەندى شارالار قابىلداۋ ءۇشىن مەملەكەتتىك-جەكەمەنشىك ىنتىماقتاستىقتى دامىتۋعا جاۋاپتى ۇلتتىق ۇيلەستىرۋشى رەتىندە قوسىلدى. بۇدان ءارى قاراي ءبىز كۆازيمەملەكەتتىك جانە جەكە سەكتورلارمەن بىرگە جەرگىلىكتى دەڭگەيدە تەرەڭ تالداۋ مەن باعالاۋدى جۇرگىزەتىن بولامىز, جانە ءار ءتۇرلى سالاداعى جانە دەڭگەيدەگى ايەلدەردىڭ ەكونوميكالىق مۇمكىندىكتەرىن كەڭەيتۋ ماقساتىندا نەگىزگى مىندەتتەر مەن كورسەتكىشتەرى بار ءىس-شارالار جوسپارىن دايىندايمىز».
د-ر رانيا ا. ال-ماشات, ەگيپەت اراب رەسپۋبليكاسىنىڭ حالىقارالىق ىنتىماقتاستىق ءمينيسترى:
«مىسىردىڭ «Closing the Gender Gap» اكسەلەراتورىنا قوسىلۋى مىسىر ۇكىمەتىنىڭ گەندەرلىك كۇن ءتارتىبىن ىسكە اسىرۋعا جانە مىسىرلىق ايەلدەرگە مۇمكىندىكتەرىن كەڭەيتۋ ءۇشىن قاجەتتى ساياسات پەن قۇرىلىمدىق رەفورمالاردى جۇرگىزۋگە دەگەن ساياسي ەرىك-جىگەرى مەن ەكونوميكالىق مىندەتتەمەلەرىن كورسەتەدى. ايەلدەردىڭ ەكونوميكاعا قاتىسۋى ماكرودەڭگەيدە شەشۋشى مانگە يە بولدى. حالىقارالىق ۆاليۋتا قورىنىڭ باعالاۋى بويىنشا, ايەلدەردىڭ ەگيپەت ەكونوميكاسىنا تەڭ ينتەگراتسياسى ونىڭ ءجىو-نە تىكەلەي اسەر ەتىپ, ونى شامامەن 34 پايىزعا ارتتىرادى. وسىلايشا, اكسەلەراتوردىڭ ءىس-شارالار جوسپارىندا مەملەكەتتىك جانە جەكە سەكتورلاردىڭ ءاربىر قاتىسۋشىسى ءۇشىن جەرگىلىكتى دەڭگەيدە ماسەلەنى ءتۇسىنۋدى ارتتىرۋ, قاجەتتىلىكتەرگە نەگىزدەلگەن ىسكە اسىرۋ جوسپارىن جاساۋ جانە ولاردىڭ ورىندالۋىن ىنتالاندىرۋ سەكىلدى تاپسىرمالار بەلگىلەنگەن».
