قر بعم ءباسپاسوز قىزمەتىنىڭ حابارلاۋىنشا, بايقاۋعا اقتوبە مەن شىمكەنت قالاسىنان ءۇش وقۋشى قاتىسقان. ۇلتتىق قۇرامانى جارىسقا گەوگرافيا عىلىمدارىنىڭ دوكتورى, ءال-فارابي اتىنداعى قازۇۋ پروفەسسورى گ.ءنۇسىپوۆا دايىندادى.
وليمپيادا جازباشا جانە مۋلتيمەديالىق تەستتەر مەن پراكتيكالىق تۋرلاردان تۇردى. ناتيجەسىندە, قازاقستان قۇراماسى قورجىنىنا 2 مەدال ەنشىلەدى. ۆالەەۆ رۋستام - كۇمىس, تازابەك ەركەبۇلان قولا مەدالدى يەلەندى. قازاقستاندىق ءۇشىنشى قاتىسۋشى مۇقانوۆ بەيحان سەرتيفيكات الدى.
«ەۋروپالىق وليمپيادا وقۋشىلاردىڭ گەوگرافيا جانە ەكولوگيا سالاسىنداعى زەرتتەۋلەرگە دەگەن قىزىعۋشىلىعىن ارتتىرادى. زياتكەرلىك جارىس 2021 جىلى جاس گەوگرافتار ءۇشىن العاشقى سىناق جانە تامىز ايىندا وتەتىن حالىقارالىق وليمپياداعا قاتىسۋ ءۇشىن ترامپلين بولدى», دەيدى قر بعم مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا.
بۇل زياتكەرلىك جارىسقا قازاقستان ءۇشىنشى رەت قاتىستى. وتكەن جىلى قازاقستاندىق وقۋشىلار ءبىر كۇمىس جانە ءبىر قولا جەڭىپ الدى.
