كەل, جىلىم,
ىرىس الىپ كەڭ دالاما,
باقىت الىپ,
قىزىما, بەل بالاما.
قازاق دەگەن
قوناقجاي ەل بولامىز,
باسقا جۇرتتان
ءبىزدى سەن كەم ساناما!
كەل, جىلىم,
ىرىس الىپ كەڭ دالاما,
باقىت الىپ,
قىزىما, بەل بالاما.
قازاق دەگەن
قوناقجاي ەل بولامىز,
باسقا جۇرتتان
ءبىزدى سەن كەم ساناما!
كەل, جىلىم,
ىرىزدىقپەن, سابىرىڭمەن,
شۋاعىڭمەن,
تورىمە وز,
بار نۇرىڭمەن!
ءار تاڭىمىز
ارايلاپ اتسىن دەگەن,
اق تىلەۋلى, اق جارقىن,
اقىنىڭ مەن!
كەل, جىلىم,
بورانىڭمەن, داۋىلىڭمەن,
شىداس بەرەر سىنىڭا
تاۋ ۇلىمىن!
اسپانىمدى قارا بۇلت تورلاماسىن,
شايىپ وتكىن ءبارىن دە جاۋىنىڭمەن.
كەل, جىلىم,
باستاۋى بوپ بەرەكەنىڭ,
بىلمەيىك ءبىز
داعدارىستىڭ نە ەكەنىن.
دالام!
قالام!
قىزىر قونعان وتانىم,
تانىتسىن كەڭ الەمگە
ەل ەكەنىن.
باستاۋى بولعايسىڭ بار بەرەكەنىڭ!
كەل, جىلىم!
نۇرلان قالقا,
«استانا-بايتەرەك» رەسپۋبليكالىق
كونكۋرسىنىڭ جەڭىمپازى.
استانا.
