«گاۋحار تاس» تۇرعىن ءۇي كەشەنى ەكى جىل بۇرىن پايدالانۋعا بەرىلۋى ءتيىس ەدى. بىراق ءبىر پاتەردى بىردەن بىرنەشە ساتىپ الۋشىعا ساتىپ ۇلگەرگەن قۇرىلىسشى قاشىپ كەتتى. پوليتسيا قىزمەتكەرلەرى كۇدىكتىنى ۇستاپ, تەرگەۋ يزولياتورىنا وتىرعىزدى. بىراق 200-گە جۋىق ۇلەسكەر قونىستارىنا ءالى دە كوشە المايدى, سەبەبى قۇرىلىس جۇمىستارى اياقتالماعان. ۇلەسكەرلەر بۇل نىسان باسقا قۇرىلىس كومپانياسىنا وتپەگەنىن ايتادى, ويتكەنى م ۇلىك بۇرىنعى يەسىنە تيەسىلى. قۇجاتتاردى وتكىزۋ ءۇشىن سوت شەشىمى قاجەت.
ء«بىز سوت وتىرىسىن كۇتە المايمىز, ويتكەنى ول بىرنەشە جىلعا سوزىلۋى مۇمكىن. بىزدە ونداي مۇمكىندىك تە, ۋاقىت تا جوق. ادامدار سوڭعىسىن بەردى, پاتەرلەرىن ساتتى. مۇگەدەكتەر, جالعىزباستى انالار, ولار قازىر جالدامالى پاتەردە تۇرىپ جاتىر. سوتقا دايىندىق جارتى جىلدان استام ۋاقىت بويى ءجۇرىپ جاتىر, بارلىق قۇجاتتار مەن ۇلەسكەرلەردىڭ ءتىزىمى سوتقا ۇسىنىلدى», دەپ شاعىمداندى اقتاۋ تۇرعىنى ۇلمەكەن كەنجەباەۆا.
سوت وتىرىسى 2021 جىلدىڭ 15 شىلدەسىنە بەلگىلەندى. بۇل ءىس بويىنشا قاراۋ مەرزىمى ءالى اياقتالعان جوق.
«سوت بۇل ءىستى ادەيى سوزىپ جاتىر دەگەن دالەلدەر مۇمكىن ەمەس دەپ سانايمىن. ويتكەنى پروتسەسس تاعايىندالىپ, ءىس زاڭمەن بەلگىلەنگەن مەرزىمدە قارالادى. اتالعان ءىس بويىنشا پروتسەسسۋالدىق مەرزىمدەر بۇزىلماعان», دەپ ءتۇسىندىردى اقتاۋ قالالىق № 2 سوتىنىڭ توراعاسى راحىمجان بەيسەنوۆ.
قىلمىستىق ءىس وسى ايدا سوتقا بەرىلەدى. پوليتسيانىڭ مالىمەتىنشە, جانجالدى قۇرىلىسشى «الاياقتىق» بابى بويىنشا قاماۋعا الىنعان. ول مۇلكىن تاركىلەپ, جەتى جىلعا دەيىن باس بوستاندىعىنان ايىرىلۋى مۇمكىن.
