بۇل جونىندە «Semey Bus» جشس ديرەكتورى رەسمي مالىمدەمە جاسادى. بولات قىلىشبەكوۆتىڭ ايتۋىنشا, جەرگىلىكتى بيلىك تاراپىنان قولداۋدىڭ بولماۋى كاسىپورىن قارجىلىق قيىندىقتارعا تاپ بولعان. ەندى اۆتوپارك ءوز قىزمەتىن جالعاستىرا المايدى. وعان قوسا, «Semey Bus» جشس باسشىلىعى سوتقا شاعىمداناتىنىن ايتادى.
«سەمەي قالاسىندا جولاۋشىلار تاسىمالىن قولداۋدى جالعاستىرا المايتىن جاعداي قالىپتاستى», دەپ مالىمدەدى «Semey Bus» جشس باسشىسى.
ۆەدومستۆونىڭ مالىمەتىنشە, 20 شىلدەگە دەيىن «Semey Bus» جشس سوت شەشىمىنە شاعىمدانا الادى. قالا اكىمىنىڭ ورىنباسارى دميتري گاۆريكوۆ ەگەر اۆتوبۋستار الىنىپ تاستالسا, ولار جاڭادان قۇرىلاتىن كاسىپورىنعا وتكىزىلەدى دەپ مالىمدەدى.
«ولار ءوز ءىس-ارەكەتتەرىن رەسمي تۇردە توقتاتقاننان كەيىن, «قدب-ليزينگ» اق (قازىرگى ونەركاسىپتى دامىتۋ قورى) شارتىنىڭ تالاپتارىنا سايكەس «Semey Bus» جشس ءوز اۆتوبۋستارىن مەنشىك يەسىنە, ياعني «قدب-ليزينگ» اق-عا بەرۋگە مىندەتتى. بۇل 170 اۆتوبۋس, ونىڭ 70-ءى بۇزىلعان. ولاردى الىپ قويعان جاعدايدا جاڭا كاسىپورىن قۇرۋ تۋرالى ماسەلە شەشىلەتىن بولادى. بۇل اۆتوبۋستار قايتالاما ليزينگكە بەرىلەتىن بولادى, ياعني بۇل اۆتوبۋستار «Semey Bus» جشس ورىندالماعان مىندەتتەمەلەرىن وزىنە الاتىن كومپانياعا وتەدى», دەپ ءتۇسىندىردى دميتري گاريكوۆ.
قالا اكىمدىگى بولاشاقتا جاسىل اۆتوبۋستار قايتادان جۇرە باستايتىنىن جانە ۆاليداتورلار مەن كولىك كارتالارىنا قىزمەت كورسەتۋ ءۇشىن جاڭا كومپانيا تارتىلاتىنىن راستادى. قازىرگى تاسىمالداۋشىنىڭ اۆتوبۋستارىندا قولما-قول تولەم جۇرگىزىلۋدە.
ايتا كەتسەك, «Semey Bus» جشس مەملەكەتتىك-جەكە مەنشىك ارىپتەستىك نەگىزىندە قۇرىلعان. كولىك كومپانياسىنىڭ قارىزىنا بايلانىستى سەمەيلىكتەر اۆتوبۋسسىز قالۋى مۇمكىن ەكەندىگى اعىمداعى جىلدىڭ ءساۋىر ايىنىڭ باسىندا بەلگىلى بولدى. «قدب-ليزينگ» اق ءىرى نەسيەلىك بورىشى ءۇشىن «Semey Bus»-قا دەفولت جاريالاپ, ليزينگ زاتىن – 170 اۆتوبۋستى الىپ قويۋ نيەتىن ءبىلدىردى. 16 ساۋىردە سەمەي اكىمدىگى بۇل كومپانيامەن كەلىسىمشارتتى بۇزدى. الايدا ول كولىكتى ءوز ەركىمەن بەرۋدەن باس تارتىپ, جۇمىسىن جالعاستىرا بەردى. قالادا تاعى ءبىر تاسىمالداۋشى – «سەماۆتوپارك» جشس پايدا بولىپ, اكىمدىك ونىمەن شارت جاساستى. 16 ماۋسىمدا «Semey Bus» جۇرگىزۋشىلەرى تۇرعىنداردىڭ نازارىن اۆتوپارك پروبلەمالارىنا اۋدارۋ ءۇشىن ەرەۋىلگە شىقتى. اكىمدىك وكىلدەرىمەن جۇرگىزىلگەن كەلىسسوزدەردەن كەيىن ولار جۇمىسىن قايتا باستادى. الايدا, 22 ماۋسىمدا جۇرگىزۋشىلەر تاعى دا ەرەۋىلگە شىعىپ, سودان بەرى جەلىگە شىقپادى. قالا تۇرعىندارى قوعامدىق كولىكتىڭ جۇمىسىنا شاعىمدانا باستاعان. سول كەزدە تاكسي قىزمەتتەرىنە سۇرانىس كوبەيىپ, باعالارى دا كۇرت قىمباتتادى.
