العا بالالار ۇيىندە اتا-اناسىنىڭ قامقورلىعىنسىز قالعان 250-دەن استام بالا تاربيەلەنۋدە. مۇندا ولاردىڭ ەشكىمگە جالتاڭكوز بولماي وسۋىنە, وقۋىنا, جالپى ازامات بولىپ قالىپتاسۋلارىنا بارلىق جاعداي جاسالعان. دەگەنمەن, جاڭا جىلدا ولار دا بارلىق بالالار سياقتى مەرەكەلىك كوڭىل-كۇيدە بولعىلارى كەلەتىنى, سىيلىقتار كۇتەتىنى بەلگىلى. وسىنى ەسكەرگەن وبلىس اكىمى ارحيمەد مۇحامبەتوۆ بالالار ۇيىندە وتكىزىلگەن جاڭا جىلدىق شىرشاعا كەلۋدى داستۇرگە اينالدىرۋدا.
العا بالالار ۇيىندە اتا-اناسىنىڭ قامقورلىعىنسىز قالعان 250-دەن استام بالا تاربيەلەنۋدە. مۇندا ولاردىڭ ەشكىمگە جالتاڭكوز بولماي وسۋىنە, وقۋىنا, جالپى ازامات بولىپ قالىپتاسۋلارىنا بارلىق جاعداي جاسالعان. دەگەنمەن, جاڭا جىلدا ولار دا بارلىق بالالار سياقتى مەرەكەلىك كوڭىل-كۇيدە بولعىلارى كەلەتىنى, سىيلىقتار كۇتەتىنى بەلگىلى. وسىنى ەسكەرگەن وبلىس اكىمى ارحيمەد مۇحامبەتوۆ بالالار ۇيىندە وتكىزىلگەن جاڭا جىلدىق شىرشاعا كەلۋدى داستۇرگە اينالدىرۋدا.
بيىل دا ول العاشقىلاردىڭ لەگىندە وسى بالالار ۇيىنە كەلىپ, بالالاردى جاڭا جىلمەن قۇتتىقتادى. ءوڭىر باسشىسىنىڭ وزدەرىنە قولداۋ-كومەك كورسەتىپ جۇرگەنىن بىلەتىن بالالار ءۇيىنىڭ تاربيەلەنۋشىلەرى ونى زور قۋانىشپەن قارسى الدى. جاڭا جىلدىق سالتاناتتىڭ شىمىلدىعى وسى شارا بارىسىندا عانا تۇساۋى كەسىلگەن بالالار ءۇيىنىڭ ۆوكالدى-اسپاپتىق ءانسامبلىنىڭ ورىنداۋىنداعى جاڭا جىل, انا تۋرالى اندەرىمەن اشىلدى. جاڭا جىلدىق شىرشادا وبلىس اكىمى ءسوز الىپ, تاربيەلەنۋشىلەردى الدا كەلە جاتقان جاڭا جىلمەن قۇتتىقتادى. ول ەلباسى نۇرسۇلتان نازارباەۆتىڭ بالالاردىڭ ەلىمىزدە قايعى-مۇڭسىز, باقىتتى ءومىر ءسۇرۋى ءۇشىن بارلىعىن جاساپ جاتقانىن اتاپ ءوتتى. سونىڭ ءبىر دالەلى رەتىندە 2013 جىلى وبلىستا زاماناۋي قۇرال-جابدىقتارمەن جاراقتاندىرىلعان نازارباەۆ زياتكەرلىك مەكتەبىنەن باسقا 15 ءبىلىم ورداسى اشىلعانىن, 40-تان استام ستاديون جانە 80-نەن استام الەۋمەتتىك نىساندار پايدالانۋعا بەرىلگەنىن جەتكىزدى.
سودان كەيىن وقۋدا وزات, ءتاربيەلى دە ۇلگىلى ءبىر توپ تاربيەلەنۋشى جاڭا جىلدىق سىيلىقتى ارحيمەد مۇحامبەتوۆتىڭ ءوز قولىنان الىپ, جۇزدەرىنەن قۋانىشتىڭ لەبى ەستى. بالالار ءۇيىنىڭ قالعان تاربيەلەنۋشىلەرى دا وسىنداي جاڭا جىلدىق سىيلىقتارعا يە بولدى. بالالار شىرشانى اينالىپ ءان شىرقادى, بي بيلەدى.
مۇمكىندىگى شەكتەۋلى بالالار ءۇشىن ۇيىمداستىرىلعان وبلىس اكىمىنىڭ شىرشاسى عازيزا جۇبانوۆا اتىنداعى وبلىستىق فيلارمونيادا وتكىزىلدى. اكىم شىرشاسىنا كەلگەن 100 مۇگەدەك بالا جاڭا جىلدىق قويىلىمدى تاماشالادى, ولارعا سىيلىقتار تاراتىلدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
