«رۋحاني جاڭعىرۋ» قازاقستاندىق قوعامدىق دامۋ ينستيتۋتى قر اقدم قولداۋىمەن قاتىسۋشىلارعا بولاشاققا قاتىستى بولجام جاساۋعا مۇمكىندىك بەرەتىن Rapid Foresight ءادىسناماسى نەگىزىندە فورسايتتىق زەرتتەۋلەر ۇيىمداستىردى. وتكىزىلگەن فورسايت-سەسسيالارعا عىلىمي جانە ساراپتامالىق قوعامداستىقتىڭ, مەملەكەتتىك ورگانداردىڭ, بيزنەس-قوعامداستىقتىڭ, ۇەۇ جانە ت.ب. وكىلدەرى قاتىستى.
سەسسيانىڭ ءبىرى بولاشاق قازاقستاندىقتىڭ بەينەسىن قالىپتاستىرۋعا ارنالدى. سەسسيا قاتىسۋشىلارىنىڭ پىكىرىنشە, جاس قازاقستاندىقتىڭ بەينەسى «تسيفرلىق نوماد» انىقتاماسىندا كورىنىس تاپقان. وسىلايشا, تسيفرلىق نوماد يكەمدىلىك پەن ءوزىن وزگەرتۋگە دايىندىق, الەمگە كىرىگۋ جانە ءوسۋدىڭ جەكە باعدارلاماسىنا يە بولۋ, جاھاندىق ويلاۋ, بارلىق سالالاردا «ساندى» پايدالانۋ جانە دەنساۋلىققا ماڭىزدى كاپيتال رەتىندە قاراۋ سىندى بىرقاتار ماڭىزدى قۇزىرەتتەرگە يە.
«جاھاندانۋ پروتسەستەرى كاسىبي جانە جەكە قۇزىرەتتەرگە جاڭا سۇرانىستار جاسايدى. قازاقستاندىقتىڭ بەينەسىن قالىپتاستىرۋ وتباسى,ء بىلىم جانە قوعام سالالارىندا جۇرەتىنىنە كۇمان جوق. 2035 جىلعا قاراي ولاردىڭ تۇبەگەيلى وزگەرۋى بەك مۇمكىن», دەلىنگەن فورسايت-سەسسياسىنىڭ زەرتتەۋىندە.
سەسسيا ناتيجەلەرىنە سايكەس, وتباسى مەكتەپ جانە جوو جۇيەلەرى نارىعىنىڭ قاجەتتىلىكتەرىنە سايكەس كەلمەۋىنە بايلانىستى تاربيە ادىستەرى مەن ءبىلىم بەرۋ باعدارلامالارىن تاڭداۋ ماسەلەسىنە سانالى تۇردە قارايتىن بولادى. كوپتەگەن وتباسىلار, مۇمكىن بولسا, ۇيدە وقىتۋدى ءجون كورەدى.
ءوز كەزەگىندە, ءبىلىم بەرۋ تسيفرعا نەگىزدەلەتىن بولادى.
«مەكتەپ جەكە تراەكتوريالار مەن وقۋ باعدارلامالارىن قۇرا وتىرىپ, جەكە تۇلعاعا باعدارلانادى. جاستار جوعارى ءبىلىمنىڭ تولىق تسيكلىن ەمەس, ناقتى قۇزىرەتتەردى الۋعا باعىتتالعان. سەرتيفيكاتتاۋ جانە قىسقا مەرزىمدى كۋرستار باعدارلامالارى سۇرانىسقا يە بولادى. ءومىر بويى ادام ءوز ءبىلىمىن جاڭارتۋعا نەمەسە قايتا وقۋعا ءماجبۇر بولادى», دەلىنگەن زەرتتەۋدە.
فورسايت-سەسسياعا قاتىسۋشىلاردىڭ پىكىرىنشە, جاس قازاقستاندىقتار سايلاۋ جانە قوعامدىق باقىلاۋ ەسەبىنەن تسيفرلىق ۇكىمەت ارقىلى ساياسي ۇدەرىستەرگە تارتىلادى.
سونىمەن قاتار ورنالاسۋ ەندى ومىرلىك رەسۋرستارعا قول جەتكىزۋگە اسەر ەتپەيدى.
