تۇساۋكەسەر كەزدەسۋىن ول لاتۆيالىق اناستاسيا سەۆاستوۆاعا قارسى وتكىزدى. كەزىندە اقش-تىڭ اشىق بىرىنشىلىگىندە جارتىلاي فينالعا دەيىن جەتىپ, الەمدىك رەيتينگتە 11-ورىنعا دەيىن كوتەرىلگەن بالتىق جاعالاۋىنىڭ وكىلى قازىرگى كەزدە 56-ساتىعا تابان تىرەپ تۇر. ۇزدىكتەر تىزىمىندە 99-ورىندى يەمدەنىپ وتىرعان دياستىڭ سەۆاستوۆاعا ءالى جەتپەدى – 4:6, 1:6.
ەسەسىنە يۋليا پۋتينتسەۆا بولگاريالىق تسۆەتانا پيرونكوۆانىڭ تاس-تالقانىن شىعاردى – 6:3, 6:1.
ەرلەر سايىسىندا قازاقستاننىڭ قوس تەننيسشىسى – الەكساندر بۋبليك پەن ميحايل كۋكۋشكين اراسىنداعى ايقاس العاشقىسىنىڭ پايداسىنا شەشىلدى – 6:4, 6:2, 6:1.
ال ەلەنا رىباكينا امەريكالىق كلەرا ءليۋدى 6:4, 6:4 ەسەبىمەن ەڭسەرىپ, ءۇشىنشى اينالىمعا جولداما الدى.
ەكىنشى كەزەڭدە پۋتينتسەۆا يسپانيالىق پاۋلا بادوسامەن كەزدەسسە, بۋبليك بولگاريالىق گريگور ديميتروۆپەن كۇش سىناسادى. ال رىباكينا ءۇشىنشى اينالىمدا گرەكيالىق ماريا ساككاري مەن امەريكالىق شەلبي رودجەرس اراسىنداعى باسەكەنىڭ جەڭىمپازىمەن شەبەرلىك بايقاسادى.
