نۇر-سۇلتان قالاسىنىڭ ساۋلەت, قالا قۇرىلىسى جانە جەر قاتىناستارى باسقارماسىنىڭ باسشىسى نۇرلان ورانحاەۆتىڭ ايتۋىنشا, ەلوردانى كوگالداندىرۋ جۇمىستارى «نۇر-سۇلتان – جايلى قالا» ماستەر-جوسپارى اياسىندا جۇرگىزىلۋدە. لاندشافتىق ورىن قالا تۇرعىندارىنىڭ سۇيىكتى ورنىنا اينالدى. ەلوردا اكىمى التاي كولگىنوۆتىڭ تاپسىرماسى بويىنشا مۇنداي جاسىل ايماقتاردى بارلىق اۋداندا كەزەڭ-كەزەڭمەن ۇيىمداستىرۋ جوسپارلانىپ وتىر.
«استانا وپەرا» اۋماعىنداعى اباتتاندىرىلاتىن جەردىڭ جالپى اۋدانى — 3.2 گا, سونداي-اق 2 گا اۋماق كوگالداندىرىلدى. ەمەن اللەياسىنا جايلى دەمالىس ءۇشىن دوڭگەلەك ورىندىقتار دا قويىلادى. ال اعاشتار شۋاقتى كۇندەرى دەمالۋعا جاعداي جاسايدى.
ايتا كەتەيىك, «نۇر-سۇلتان – جايلى قالا» ماستەر-جوسپارىندا ەلوردانى جاپپاي كوگالداندىرۋ قاراستىرىلعان.
ەمەن – ۇزاق جىلدار بويى ءومىر سۇرەتىن اعاش, سوندىقتان ولاردى «استانا وپەرا» عيماراتىنىڭ باعىنا وتىرعىزۋ تۋرالى شەشىم قابىلداندى.
ترياتلون پاركىنىڭ جانىندا بيىل جوكە اعاشى مەن سيرەن بۇتالارى وتىرعىزىلدى. وسىلايشا, ەلوردادا سيرەن مەن ەمەن باعى اشىلدى.
