ونلاين كەزدەسۋگە قازاقستاننىڭ گەرمانياداعى ەلشىسى داۋرەن كاريپوۆ, ەلىمىزدىڭ تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسقار جامباكين, يندۋستريا جانە ينفراقۇرىلىمدىق دامۋ ۆيتسە-ءمينيسترى دينارا ششەگلوۆا, «KAZAKH INVEST» ۇك اق باسقارما توراعاسىنىڭ ورىنباسارى جاندوس تەمىرعالي, Astana Hub باس ديرەكتورى ماعجان ماديەۆ, سونداي-اق Siemens Advanta Lanxess AG, Gigaset AG, SAP SE, Baumüller Group, DMT GmbH & Co. KG, WILO SE سياقتى 40-قا جۋىق جەتەكشى نەمىس كومپانيالارىنىڭ باسشىلارى مەن وكىلدەرى قاتىستى.
كەزدەسۋ بارىسىندا گەرمانيا ەكونوميكاسى شىعىس كوميتەتىنىڭ باسقارۋشى ديرەكتورى ميحاەل حارمس ەكى ەل بيزنەسمەندەرىنىڭ ىسكەرلىك بايلانىستارىن ورناتۋدىڭ ماڭىزىن اتاپ ءوتتى. ول سونداي-اق قازاقستان مەن گەرمانياداعى تسيفرلى ترانسفورماتسيانى كەڭەيتۋگە ودان ءارى سەرپىن بەرۋگە مۇمكىندىك بەرەتىن جاڭا جولداردى ىزدەۋ قاجەتتىگىن اتاپ ءوتتى.
سونىمەن قاتار پىكىرتالاس بارىسىندا قازاقستاندا جۇرگىزىلىپ جاتقان تسيفرلى ترانسفورماتسيا جونىندەگى قىزمەت اتاپ ءوتىلدى. قاتىسۋشىلار Astana Hub IT-ستارتاپتار حالىقارالىق تەحنوپاركى شەڭبەرىندە ينۆەستورلارعا ۇسىنىلاتىن مەملەكەتتىك قولداۋ قۇرالدارى تۋرالى اقپارات بەردى.
«ەگەمەن-اقپارات»
