«ۆاكتسيناتسيا باستالعالى بەرى كوروناۆيرۋس مۋتاتسياعا ۇشىراپ, جاعدايعا بەيىمدەلە باستادى. ساراپشىلاردىڭ ايتۋىنشا, ۆيرۋستىڭ «دەلتا» نۇسقاسى «بريتان» شتامىنا, باسقالارىنا قاراعاندا 60%-عا تەز جۇعادى. سونىمەن قاتار ونى جۇقتىرعاندار اراسىندا اۋرۋحاناعا جاتقىزىلعاندار مەن قايتىس بولعاندار سانى كوپ. مۇنى نۇر-سۇلتان قالاسىنداعى جاعدايدان بايقاپ وتىرمىز. تاعى ءبىر ەرەكشەلىگى, بالالار دا بۇل شتامدى بەس ەسە ءجيى جۇقتىرا باستادى», دەدى ا.شارمان.
سپيكەردىڭ ايتۋىنشا, «دەلتا» شتامىن ەكپە الماعانداردىڭ جۇقتىرۋ قاۋپى جوعارى. سوندىقتان ەكپە الۋ كوروناۆيرۋستىڭ بارلىق تۇرىنە قارسى ەڭ ءتيىمدى شارا بولىپ وتىر. ونىڭ ءبىرىنشى دوزاسى 17%-عا ازىراق قورعاسا, ەكىنشىسىن العان سوڭ تيىمدىلىگى ارتا تۇسپەك.
سونداي-اق سپيكەر ەكى دوزادا ەكى ءتۇرلى ەكپە الۋ اعزانىڭ يممۋندىق قورعانىسىن كۇشەيتەتىنى تۋرالى دا دەرەكتەر بار ەكەنىن العا تارتتى.
«يممۋنولوگيادا ەكى ەكپەنى ارالاستىرۋ mix and match دەپ اتالادى. ونىڭ يممۋندىق جۇيەگە وڭ اسەر ەتەنىنە دالەلدەر بار. انگەلا مەركەل, ەردوعان سىندى ساياسي كوشباسشىلار وسىلايشا ءار ءتۇرلى ەكپە الدى. جالپى ساراپشىلار دا بۇل تاسىلگە وڭ قاباق تانىتىپ وتىر», دەدى ا.شارمان.
ونىڭ ايتۋىنشا, ەپيدەميانىڭ قازىرگى تولقىنىنا «دەلتا» شتامى اسەر ەتىپ وتىر.
اسەل سارقىت
