كەزدەسۋدە قازاقستاندا زاماناۋي اگرو-مۋلتيپروتەين يندۋسترياسىن دامىتۋ ماسەلەلەرى تالقىلاندى.
قر پرەمەر-ءمينيسترى ا. ءماميننىڭ اقش-قا ساپارى بارىسىندا 2019 جىلعى جەلتوقساندا قول قويىلعان كەلىسىمگە سايكەس «Tyson Foods» قازاقستاندىق «Kusto Group» كومپانياسىمەن بىرلەسىپ قازاقستاندا سيىر ەتى ءوندىرىسىنىڭ تولىق تسيكلىن اشۋدى جوسپارلاپ وتىر. وسىلايشا, ءبىرىنشى كەزەڭدە قر-دا ونىمدىلىگى تاۋلىگىنە كەمىندە 2 مىڭ باستى قۇرايتىن زاماناۋي ەت وڭدەۋ كەشەنىن سالۋ كوزدەلگەن. كاسىپورىن قازاقستاندىق نارىقتىڭ قاجەتتىلىكتەرىن قامتاماسىز ەتىپ قانا قويماي, سونىمەن قاتار ءونىمدى شەتەل نارىقتارىنا دا ەكسپورتتايتىن بولادى.
جوبانى ىسكە اسىرۋ ەت يندۋسترياسىن جانە اوك-ءتىڭ باسقا دا ىرگەلەس سالالارىن – ۆەتەريناريانى, اگرارلىق ماشينا جاساۋدى, جەمشوپ داقىلدارىن ءوسىرۋدى, بورداقىلاۋ الاڭدارىن قۇرۋدى جانە ت. ب. دامىتۋدى ىنتالاندىراتىن بولادى. قازاقستاننىڭ اۋىل شارۋاشىلىعىندا ون مىڭداعان جاڭا جۇمىس ورنى اشىلادى. وندىرىستىك تسيكل امەريكالىق «ەكستەنشن» قىزمەتىنىڭ مودەلى بويىنشا قازاقستاندىق فەرمەرلەرگە اقپاراتتىق-كونسۋلتاتسيالىق قىزمەت كورسەتۋمەن سۇيەمەلدەنەتىن بولادى, بۇل كونسۋلتاتسيا بەرۋدى, جەرگىلىكتى جەرلەردە كادرلاردىڭ بىلىكتىلىگىن ارتتىرۋدى جانە كاسىپتىك-تەحنيكالىق وقىتۋدى قامتيدى.
«Tyson Foods» كومپانياسىنىڭ نەگىزى 1935 جىلى قالانعان, كومپانيا اينالىمى $43,1 ملرد قۇرايدى, قىزمەتكەرلەر سانى – 139 مىڭ ادام.
