قازاقستاندا ەگىلگەن ادامدار اراسىندا COVID-19 جۇقتىرۋ وقيعالارى تىركەلىپ جاتقانى راس. ولاردىڭ سانى وتە از.
– قازاقستاندا ۆاكتسينا العان 3 246 795 ادامنىڭ 0.05%-ى COVID-19-مەن اۋىرعان, – دەپ حابارلادى قر دەنساۋلىق ساقتاۋ مينيسترلىگى.
سونداي-اق ۆەدومستۆوداعىلار ىندەتتى جۇقتىرۋ جاعدايلارىنىڭ كوبى پرەپاراتتىڭ تەك ءبىر عانا دوزاسىن الۋعا ۇلگەرگەندەر اراسىندا تىركەلگەنىن اتاپ ءوتتى, ياعني كۆي-گە قارسى يممۋنيتەت ءالى تولىق قالىپتاسپاعان.
بۇعان دەيىن ۆاكتسينا سالدىرعاندار اراسىندا كۆي جۇقتىرۋ جاعدايلارى تۋرالى جازعان بولاتىنبىز. مۇنداي قۇبىلىستار ءجيى بولا بەرمەيدى. مىسالى, اقش-تا اۋرۋلاردى باقىلاۋ جانە الدىن الۋ ورتالىعىنىڭ دەرەكتەرى بويىنشا بيىلعى جىلدىڭ 21 ماۋسىمىندا ۆاكتسينا العان ادامدار اراسىندا ىندەتتى جۇقتىرۋدىڭ 4 115 جاعدايى تىركەلگەن. بۇل سول كەزدە ەگىلگەن ادامداردىڭ جالپى سانىنىڭ 0.002% قۇرايدى.
بۇل كورسەتكىشتەر ۆاكتسينالاردىڭ مالىمدەلگەن تيىمدىلىگىنە سايكەس كەلەدى. Pfizer/BioNTech پرەپاراتى ءۇشىن ول 91%, Moderna – 94%, AstraZeneca – 74%, سپۋتنيك V – 92%, سينوفارم (Hayat-Vax) – 73% قۇرايدى.
