جيىندا وبلىستىق كاسىپكەرلەر پالاتاسىنىڭ ديرەكتورى ەركىن اتىمتاەۆ وتكەن جىلى پاندەميا كەزەڭىندە جانە اعىمداعى جىلدىڭ ءبىرىنشى جارتى جىلدىعىندا ءوڭىرلىك پالاتانىڭ اتقارعان جۇمىسىن باياندادى. جالپى, وڭىردە بارلىعى 70 مىڭنان استام كاسىپكەرلىك سۋبەكتىسى, 715 ونەركاسىپتىك كاسىپورىن جۇمىس ىستەيدى. ونەركاسىپ سالاسىندا 20 مىڭعا جۋىق ادام ەڭبەك ەتەدى جانە ولار 700 ميلليارد تەڭگەنىڭ ءونىمىن ءوندىرىپ وتىر. سونداي-اق پالاتا باسشىسى وزگە دە اتقارىلعان جۇمىستارعا توقتالدى.
كەزدەسۋ بارىسىندا قانات بوزىمباەۆ مەملەكەت باسشىسى تاپسىرعان تاپسىرمالاردىڭ وڭىردە ورىندالۋىن زەردەلەۋ, ونى كاسىپكەرلەرمەن تالقىلاۋ ماقساتىندا كەلگەنىن ايتتى. وڭىرلىك كەڭەس مۇشەسى ەربولات ساۋرىقوۆ قانات بوزىمباەۆتان تاراز قالاسىنىڭ ماڭىنداعى قوقىس تاستايتىن ورىننىڭ شاعىن بولۋىنا بايلانىستى تۇرمىستىق قالدىقتاردى وڭدەيتىن زاۋىت سالۋعا ىقپال ەتۋىن سۇرادى. سونداي-اق ول ەلىمىزدە تۇقىم شارۋاشىلىعى تۇرالاپ تۇرعانىن, وسى سالاعا كوڭىل بولەتىن ۋاقىت كەلگەنىن دە ايتتى.
ىسكەر ايەلدەر كەڭەسىنىڭ ءتورايىمى ايگۇل اقشالوۆا «قارالما» تاۋ-شاڭعى كەشەنىنىڭ قۇرىلىسىن اياقتاۋعا جاردەمدەسۋ, كاسىپكەرلەردىڭ كوممۋنالدىق تولەمدەرىن جەڭىلدەتۋ سىندى ءوتىنىش-تىلەگىن جەتكىزدى. بۇل ورايدا, قانات بوزىمباەۆ بارلىق ماسەلەلەر بويىنشا تالقىلاۋ جۇرگىزىلىپ, ءتيىستى شەشىمدەر قابىلداناتىندىعىن ايتىپ ءوتتى. ال, «ارايسترويماركەت» جاۋاپكەرشىلىگى شەكتەۋلى سەرىكتەستىگىنىڭ باسشىسى ارمان ەدىلباەۆ جەكەشەلەندىرىلگەن نىسانداردى مەرزىمىنەن بۇرىن ساتىپ الۋ ماسەلەسىن كوتەردى. بۇل رەتتە قانات بوزىمباەۆ اتالعان ماسەلە بويىنشا ەلىمىزدىڭ نورماتيۆتىك-قۇقىقتىق اكتى شەڭبەرىندە شەشۋ مۇمكىندىگىنە قارالاتىنىن ايتىپ جاۋاپ بەردى.
ءوڭىرلىك كەڭەستىڭ مۇشەسى, «Sab group» جاۋاپكەرشىلىگى شەكتەۋلى سەرىكتەستىگىنىڭ ديرەكتورى سامات اقىلبەكوۆ جانار-جاعار ماي, جەم جانە قانت باعاسىنىڭ ءوسۋى ماسەلەسىنە كوڭىل ءبولۋدى سۇرادى. ال, بەردىبەك ساپارباەۆ وڭىردەگى ازىق قورى اۋىل تۇرعىندارىنىڭ قاجەتتىلىگىن وتەيءتىنىن, قانت بويىنشا قانت قىزىلشاسىن ەگۋ جىل سايىن ارتىپ كەلەءتىنىن, كىشىگىرىم ماسەلە سۋدىڭ جەتىسپەۋشىلىگىنەن تۋىنداپ وتىرعانىن, جوعارىدا كورسەتىلگەن ماسەلەلەر وبلىس دەڭگەيىندە شەشىلەءتىنىن ايتتى.
سونداي-اق ءوڭىرلىك كەڭەستىڭ مۇشەسى, «اۋليە-اتا فەنيكس» جاۋاپكەرشىلىگى شەكتەۋلى سەرىكتەستىگىنىڭ ديرەكتورى فاريدا ءجۇنىسوۆا ەكىنشى دەڭگەيلى بانكتەردىڭ اۋىلدىق ەلدى مەكەندەردىڭ جىلجىمايتىن م ۇلىكتەرىن قابىلداماۋى نەمەسە كرەديتتىك ساياساتىنا سايكەس تومەن باعا بەرۋى تۋرالى ماسەلەءنى كوتەردى.
ءوڭىر باسشىسى بەردىبەك ساپارباەۆ كاسىپكەرلەر كوتەرىپ وتىرعان ماسەلەلەردىڭ ورىندى ەكەنىن, الايدا ونىڭ باسىم كوپشىلىگىن وبلىس شەڭبەرىندە شەشۋگە بولاتىنىن ايتىپ, بۇل باعىتتا وڭىردە دە شارالار قابىلداناتىنىن جەتكىزدى.
