قازاقستان رەسپۋبليكاسىنىڭ دەلەگاتسياسى قر پرەمەر-ءمينيسترىنىڭ ورىنباسارى ر.سكلياردىڭ باسشىلىعىمەن حالىقارالىق ارالدى قۇتقارۋ قورىنىڭ (حاقق) باسقارۋ وتىرىسىنا قاتىسۋ ءۇشىن دۋشانبە قالاسىنا باردى.
دەلەگاتسيا قۇرامىنا ەكولوگيا, گەولوگيا جانە تابيعي رەسۋرستار ءمينيسترى م.مىرزاعاليەۆ, قر تاجىكستان رەسپۋبليكاسىنداعى ەلشىسى ا.تاجىباەۆ جانە قر سىرتقى ىستەر ءمينيسترىنىڭ ورىنباسارى م. سىزدىقوۆ جانە ت.ب. كىردى. قازاقستاندىق تاراپى حاقق ورىنداۋشى كوميتەتىنە حاقق مەملەكەتتەرى باسشىلارىنىڭ شەشىمدەرىنە تۇگەندەۋ جۇرگىزۋدى ۇسىندى.
سونىمەن قاتار ەلباسى ن.ءا. نازارباەۆتىڭ 2018 جىلى تۇرىكمەنباشي حاقق مەملەكەتتەرى-قۇرىلتايشىلار ساميتىندە ايتىلعان حاقق ۇيىمداستىرۋشىلىق قۇرىلىمدى جانە كەلىسىم-شارتتىق بازاسىن جەتىلدىرۋ, ورتالىق ازيانىڭ حالىقارالىق سۋ-ەنەرگەتيكالىق كونتسورتسيۋمىن قۇرۋ, سونداي-اق حاقق ورىنداۋشى كوميتەتىنىڭ ايماق ەلدەرىنىڭ بىرىندە تۇراقتى ورنالاستىرۋ جونىندەگى ۇسىنىستاردى ىسكە اسىرۋ قاجەتتىلىگىن اتاپ ءوتتى.
ارال تەڭىزىنىڭ باسسەيندەگى سۋ رەسۋرستارىن جانە ەكولوگيالىق جاعدايدى جاقسارتۋ قاجەتتىلىگى اياسىندا, قازاقستاندىق تاراپىمەن ايماقتىق ۇيىمداردىڭ ءرولىن كۇشەيتۋدىڭ, ونىڭ ىشىندە «سىرداريا» جانە «امۋداريا» سۋ شارۋاشىلىق باسسەيندىك بىرلەستىكتەردىڭ ماڭىزدىلىعى اتالدى. وتىرىس ناتيجەسىندە تاجىكستان توراعالىق ەتۋىنىڭ مەرزىمىنە حاقق ورىنداۋشى كوميتەتىنىڭ جۇمىس جوسپارى قابىلداندى, سونىمەن قاتار «ارال تەڭىزىنىڭ باسسەينى ەلدەرىنە كومەك كورسەتۋ جونىندەگى ءىس-قيمىل باعدارلاماسى» (اتبب-4) بەكىتىلدى.
اتبب ايماقتىق باعدارلاما, ونىڭ نەگىزگى ماقساتتارى ارال تەڭىزى باسسەينىندە تۇراتىن ادامداردىڭ تۇرمىستىق جاعدايىن جاقسارتۋ, ورتالىق ازيا ەلدەرى اراسىنداعى سۋ شارۋاشىلىق, ەكولوگيالىق جانە الەۋمەتتىك-ەكونوميكالىق جاعدايدى جاقسارتۋ جانە سۋ رەسۋرستارىن ۇتىمدى پايدالانۋ ىنتىماقتاستىعىن ودان ءارى كەڭەيتۋ بولىپ تابىلادى.
