بۇل سايىستا «Deceuninck-Quick Step» كلۋبىنىڭ سەركەسى مارك كاۆەنديشكە تەڭ كەلەر ەشكىم تابىلمادى.
تالاي ءدۇبىرلى دودالاردا دارالانىپ جۇرگەن 36 جاستاعى ۇلىبريتانيالىق ساڭلاق فرانتسيانىڭ سولتۇستىك-باتىس ايماعىندا ورنالاسقان رەدون مەن فۋجەر قالالارى اراسىن جالعاستىرىپ جاتقان 150,4 شاقىرىمدىق قاشىقتىقتى 3 ساعات 20 مينۋت 17 سەكۋندتا ءجۇرىپ ءوتتى. جەرگىلىكتى سپورتشى ناسەر بۋحانني («Team Arkea Samsic») ەكىنشى ورىن السا, بەلگيالىق يەسپەر فيليپسەن («Alpecin-Fenix») ءۇشىنشى ساتىعا جايعاستى. «استانا» كلۋبى مۇشەلەرى اراسىندا الەكسەي لۋتسەنكو ەڭ ۇزدىك ناتيجە كورسەتتى. 28 جاستاعى قازاقستاندىق ۆەلوشاباندوز مارەگە 14-ءشى بولىپ جەتتى.
جوعارىداعى ناتيجەنىڭ ارقاسىندا لۋتسەنكو جالپى ەسەپتە 11-ءشى ورىنعا كوتەرىلدى. ال كوش باسىنداعى جاعداي وزگەرىزسىز. اتاپ ايتساق, نيدەرلاندتىق ماتە ۆان دەر پۋل («Alpecin-ءFenix») الى دە الدىنا جان سالار ەمەس. ونى فرانتسيالىق جۋليان الافيليپپ («Deceuninck-Quick Step») وكشەلەپ كەلەدى. ءۇشىنشى ورىندا – ەكۆادورلىق ريچارد كاراپاس («INEOS Grenadiers»).
