«التىن توميريس» سىيلىعى تاپسىرىلدى

مادەنيەت جانە سپورت مي­نيسترلىگى مەن «استانا وپەرا» تەاترى بىرلەسە ۇيىمداستىرعان ماراپاتتى مينيستر اقتوتى رايىمقۇلوۆا تابىس ەتتى.
«التىن توميريس» مۇسىن­شەسى تەاتردىڭ ءدال توبەسىندەگى كۆادريگا تۇرىندە جاسالعان. وندا كۇيمە اربانىڭ تىزگىنىن ۇس­تاعان ساق پاتشايىمى تو­ميريس بەينەلەنگەن.
ماراپاتتالعاندار قاتا­رىن­دا «حابار 24»، «قازاق تۆ»، «قازاقستان»، «اباي تۆ»، «مير»، «ەۋرازيا» ءبىرىنشى ارناسى» تەلەارنالارى، «Egemen Qazaqstan»، «كازاحستانسكايا پراۆدا»، «استانا اقشامى»، «ۆەچەرنيايا استانا»، «نوۆوە پوكولەنيە»، «ليتەر»، «كاراۆان» گازەتتەرى، Tengrinews.kz، Zakon.kz، قازاقپارات، Sputnik كازاحستان، Nur.kz، Baigenews.kz اقپاراتتىق اگەنتتىكتەرىنىڭ تىلشىلەرى، سونىمەن قاتار تانىمال بلوگەرلەر دە بار.
سالتاناتتى ءراسىم اياق­تال­عان سوڭ مەرەكەلىك كونتسەرت ۇسىنىلدى. ساحناعا وپەرا ترۋپپاسىنىڭ سوليس­تەرى – قازاقستاننىڭ ەڭبەك سىڭىر­گەن قايراتكەرى جاميليا دجاركيمباەۆا، ەلەنا گانجا، اسەم سەمبينا، رامزات بالا­كيشيەۆ، شىڭعىس راسىلحان، «كۆيكونتە» ۇرلەمەلى اسپاپتار كۆينتەتى جانە كون­تسەرتمەيستەر راۋشان بەس­كەم­بيروۆا شىقتى.
باعدارلاماعا مۇقان تو­لەباەۆتىڭ «باقىت ءۆالسى»، لا­تيف ءحاميديدىڭ «بۇلبۇل»، ءالى­بي ءابدىنۇروۆتىڭ «قۋىر­ماش» ءتارىزدى قازاق كوم­پوزي­تورلارىنىڭ اندەرى ەندى. سو­نىمەن قاتار دجاكومو ءپۋچ­چينيدىڭ «بوگەما» وپەراسىنان «ميۋزەتتانىڭ ءۆالسى»، فرانتس لەگاردىڭ «سترانا ۋلى­بوك» وپەرەتتاسىنان دۋەت، بار­شانىڭ سۇيىكتىسىنە اينالعان كونسۋەلو ۆەلاسكەستىڭ «Bes­same Mucho»، لۋيدجي ءاردي­تيدىڭ «پوتسەلۋي»، مۋسليم ما­گو­ماەۆتىڭ «سينيايا ۆەچنوست»، ەدۋاردو دي كاپۋانىڭ «و sole mio»، دومەنيكو مودۋنو مەن فرانكو ءميلياچچيدىڭ «Volare» اندەرى شىرقالدى.