ءبىلىم • 29 ماۋسىم، 2021

كامەلەتكە تولماعانداردى زاڭسىز جۇمىسقا تارتقاندار انىقتالدى

23 رەت كورسەتىلدى

كامەلەت جاسىنا تولماعان 14 جەتكىنشەك ەڭبەك شارتىنسىز جۇمىسقا تارتىلعان. بۇل تۋرالى ءبىلىم جانە عىلىم ءمينيسترى حابارلادى. اتالعان ۆەدومستۆوعا قاراستى بالالاردىڭ قۇقىقتارىن قورعاۋ كوميتەتىنىڭ قىزمەتكەرلەرى جاسوسپىرىمدەرگە قاتىستى ەڭبەك زاڭناماسىن بۇزۋ فاكتىلەرىن انىقتاعان.

كوميتەتتىڭ دەرەگىنە سۇيەن­سەك، جۇمىس بەرۋشىلەر ەڭبەك شارتىن جاساماستان 14 ءجاسوس­پىرىمدى جۇمىسقا تارتىپ، ولار كۇنى بويى ەڭبەك ەتكەن. بۇل زاڭسىزدىقتار بالالار ەڭ­بەگىن قاناۋعا قارسى ۇلتتىق اق­­پاراتتىق ناۋقان بارىسىندا انىقتالدى.

«اقپاراتتىق ناۋقان ەلى­مىز­دىڭ بارلىق وڭىرىندە ۇيىم­داستىرىلدى. ءىس-شارا شەڭ­بەرىندە بالالار ەڭبەگىن قاناۋ ماسەلەسى جانە بۇل پرو­بلەمانىڭ بالا مەن قوعام ءۇشىن تيگىزەتىن سالدارى تۋرالى ءتۇسىندىرۋ جۇمىستارى، ازاماتتاردى حاباردار ەتۋ ءىس-شارالارى جۇرگىزىلدى. ءتۇسىندىرۋ جۇمىستارى بارىسىندا تۇر­كىستان، قاراعاندى جانە اقمولا وبلىستارىندا بالالار ەڭبەگىن زاڭسىز پايدالانۋ فاكتىلەرى انىقتالدى. ءدامحانادا داياشى جانە قۇرىلىس الاڭدارىندا جۇمىسشى بولىپ ەڭبەك ەتكەن 14 ءجاسوسپىرىمنىڭ قۇقىعى بۇزىل­عان. جۇمىس بەرۋشىلەر ولار­دى تولىق جۇمىسقا تارت­قان. زاڭ بويىنشا 14 پەن 18 جاس ارا­لىعىنداعى كامەلەتكە تولماعاندار ءۇشىن قىسقارتىلعان جۇمىس ۋاقىتى بەلگىلەنۋى ءتيىس. سونداي-اق جاسوسپىرىمدەرمەن جانە ولار­دىڭ اتا-انالارىمەن ەڭبەك شارت­تارى جاسالماعان»، دەدى بالالاردىڭ قۇقىقتارىن قورعاۋ كوميتەتىنىڭ توراعاسى ەسەنعازى يمانعاليەۆ.

بالالاردى ەڭبەككە زاڭسىز تارتۋ فاكتىلەرى انىقتالعاننان كەيىن جۇمىس بەرۋشىلەرمەن جانە كامەلەتكە تولماعانداردىڭ اتا-انالارىمەن ءتۇسىندىرۋ جۇمىستارى جۇرگىزىلدى.

ەڭبەك زاڭناماسىنا ساي­كەس، 14 جاسقا تولعان وقۋشى­لارعا وقۋدان بوس ۋاقىتتا دەن­ساۋلىعىنا زيان كەلتىرمەيتىن جۇمىستاردى ورىنداۋعا رۇقسات ەتىلەتىنىن ايتا كەتكەن ءجون. 14-16 جاس ارالىعىنداعى بالالار اپتاسىنا 24 ساعاتتان، 16-18 جاستاعى جاسوسپىرىمدەر اپتاسىنا 36 ساعاتتان ارتىق جۇمىس ىستەمەۋى كەرەك. بۇل رەتتە جۇمىس بەرۋشى كامەلەتكە تولماعان بالانىڭ وزىمەن، ونىڭ اتا-اناسىمەن، قامقورشىسىمەن نەمەسە بالا اسىراپ العان اتا-انامەن ەڭبەك شارتىن جاساۋعا مىندەتتى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار