قوستاناي وبلىسىنىڭ سىبايلاس جەمقورلىققا قارسى قىزمەتى قوستاناي وبلىسى اكىمدىگى دەنساۋلىق ساقتاۋ باسقارماسىنىڭ قوستاناي وبلىستىق ۇيىمىنىڭ شارۋاشىلىق بيكەسىنە قاتىستى سوتقا دەيىنگى تەرگەۋدى باستادى.
«ول ك. ازاماتشاسىن ارانداتتى دەپ كۇدىكتەلۋدە. قوستاناي وبلىسى اكىمدىگى دەنساۋلىق ساقتاۋ باسقارماسىنىڭ لاۋازىمدى تۇلعالارىنا ونى Covid-19 مودۋلدىك جۇقپالى اۋرۋلار اۋرۋحاناسىنا سانيتار لاۋازىمىنا ورنالاستىرۋ تۋرالى ماسەلەنى شەشكەنى ءۇشىن 1 000 اقش دوللارى سوماسىندا پارا بەرۋگە قاتىستى», دەپ حابارلادى ۆەدومستۆودان.
تەرگەۋ جالعاسۋدا. كۇدىكتىگە قاتىستى ونىڭ كىناسىنىڭ دارەجەسىن انىقتاي وتىرىپ, تۇپكىلىكتى شەشىمدى سوت قابىلدايدى.
ەسكە سالا كەتەيىك, بۇعان دەيىن قوستانايدا ەكونوميكالىق تەرگەۋ دەپارتامەنتىنىڭ قىزمەتكەرى پارا الدى دەپ كۇدىكتەلگەنى حابارلانعان بولاتىن.
