قوعام • 28 ماۋسىم، 2021

الماتىنىڭ ورتا جاستاعى تۇرعىندارى كۆي جۇقتىرۋعا بەيىم

10 رەت كورسەتىلدى

الەمنىڭ بىرقاتار ەلى وزدەرىن كوروناۆيرۋستىڭ جاڭا شتامىنان وقشاۋلاسا، ال الماتى تۇرعىندارى، اسىرەسە جاستار كارانتين شارالارىن كۇن سايىن بۇزىپ كەلەدى. مەگاپوليستىڭ باس سانيتارلىق دارىگەرى جانداربەك بەكشين وڭىرلىك كوممۋنيكاتسيالار قىزمەتى الاڭىندا وتكەن بريفينگتە جاستاردىڭ ۆاكتسينانى ەلەمەي، كۆي تارالۋ ماسەلەسىنە ەنجار قارايتىندىقتارىن ايتتى، دەپ حابارلايدى Egemen.kz.

جۋرناليستەردىڭ سۇراقتارىنا جاۋاپ بەرە كەلىپ، جانداربەك بەكشين سوڭعى ەپيدەميولوگيالىق تەكسەرۋ بارىسىندا ناۋقاستارمەن بايلانىستا بولۋ سالدارىنان ازاماتتاردىڭ كوروناۆيرۋس جۇقتىرۋىنىڭ 86% جاعدايىنىڭ تىركەلگەنىن اتادى.

«ولار وتباسىندا، ساۋدا نىساندارىندا، بۇقارالىق ءىس-شارالاردا، مەرەيتوي مەن ەسكە الۋ كەشتەرىندە، قوعامدىق كولىكتە ىندەت جۇقتىرۋدا»،  دەدى باس سانيتارلىق دارىگەر.

ج. بەكشيننىڭ ايتۋىنشا، جاڭا شتامداردىڭ تارالۋ قاۋپى جوعارى. «سوندىقتان الماتىداعى ەپيدەميولوگيالىق جاعداي كۇردەلى. قالادا كوروناۆيرۋس اۋرۋىنىڭ جوعارى تارالۋى جاستاردىڭ ۆاكتسيناعا نەمقۇرايلى قاراۋىنان ءارى كارانتيندىك شارالاردىڭ بۇزىلۋىنان»، دەدى باس سانيتارلىق دارىگەر.

«نەگىزىنەن 20 - 40 جاستاعى ازاماتتار دەرتتى تەز جۇقتىرادى. قازىر وسى جاس ارالىعىندا دەرت جۇقتىرعاندار 38%-دى قۇرايدى. بۇگىندە ىندەت جۇقتىرۋ قاۋپى 5% ءوسىمدى كورسەتسە، بۇل جاستاردىڭ ۆاكتسينانى ەلەمەۋىندە. جاستار قارت ادامدار سياقتى كوروناۆيرۋستىڭ جاڭا شتامىمەن ينفەكتسياعا جانە اۋرۋعا بەيىم ەكەنىن ەسكەرگەن ءجون»، دەدى ج. بەكشين.

ۆيرۋستىڭ نەگىزگى تاسىمالداۋشىسى – بەلسەندى جاستار. مىسالى، مونيتورينگتىك توپتار دەمالىس كۇندەرى بەلگىلەنگەن شەكتەۋلەردىڭ ونداعان بۇزۋشىلىقتارىن تىركەدى. تۇنگى ۋاقىتتا بىرنەشە ويىن-ساۋىق مەكەمەلەرى انىقتالدى. وندا ادامدار الەۋمەتتىك قاشىقتىق پەن جۇمىس رەجيمىن ساقتامادى.

ج. بەكشيننىڭ ايتۋىنشا، 40 پەن 60 جاس ارالىعىنداعى حالىق بەلسەندى تۇردە ۆاكتسينا الدى، بۇل وسى توپتىڭ جۇقتىرۋ جاعدايلارىنىڭ 5%-عا تومەندەگەنىن كورسەتتى.

60 جاستان اسقان ادامدار ەرىكتى تۇردە ۆاكتسينا الدى، سوندىقتان اۋرۋدىڭ تەك 20%-ى تىركەلگەن. 

ەپيدەميولوگيالىق تالاپتاردى ساقتاماۋ سالدارىنان الماتىدا 14 جاسقا دەيىنگى بالالاردىڭ جۇقتىرۋ قاۋپىنىڭ جوعارى ەكەنى بايقالدى، ولاردىڭ اراسىندا دەرت 12%-دان 15%-عا دەيىن ارتتى. ج. بەكشيننىڭ پىكىرىنشە، بۇل سOVID-19 «دەلتا» شتاممىنىڭ ەرەكشەلىگى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار