قوعام • 28 ماۋسىم، 2021

«دەلتا» شتامى الماتىدا ىندەتتى قايتا ورشىتە باستادى

25 رەت كورسەتىلدى

بۇگىن، 28 ماۋسىمدا وڭىرلىك كوممۋنيكاتسيالار قىزمەتىنىڭ الاڭىندا سويلەگەن سوزىندە الماتىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين ماۋسىم ايىندا قالادا ءتورت مىڭداي ادام كوروناۆيرۋس جۇقتىرعانىن مالىمدەدى، دەپ حابارلايدى Egemen.kz.

الماتىنىڭ باس سانيتارلىق دارىگەرى تۇرعىنداردى ەپيدەميولوگتار مەن دارىگەرلەرگە جاۋاپكەرشىلىكپەن قاراۋعا شاقىرىپ وتىر. ونىڭ ايتۋىنشا، قازىر سانيتارلىق قاۋىپسىزدىك ەرەجەلەرىن ساقتاۋ وتە ماڭىزدى: بەتپەردە تاعۋ، الەۋمەتتىك قاشىقتىقتى ساقتاۋ، قولدى ءجيى جۋ مەن ۆاكتسينا الۋ.

«جىل باسىنان بەرى الماتىدا كۆي-ءدىڭ 55 101 جاعدايى انىقتالدى. ال ماۋسىم ايىندا 3 889 جاعدايى تىركەلدى. وتكەن اپتادا كوروناۆيرۋس دەرتى 1،7 ەسە ءوستى. 742-دەن 1237-گە دەيىن. سوڭعى تاۋلىكتە كۆي-ءدىڭ 215 جاعدايى تىركەلدى»، دەدى ج. بەكشين.

ونىڭ ايتۋىنشا، الماتىداعى ەپيدەميالىق جاعداي كونتاگيوزدى مۋتاتسيالانعان «دەلتا» شتامىنىڭ تارالۋىنا بايلانىستى ۋشىعا باستاعان.

ەپيدەميولوگتاردىڭ ايتۋىنشا، پتر ورتاشا تاۋلىكتىك وڭ ناتيجەلەرى 114-تەن 188-گە دەيىن ءوستى. سوڭعى اپتادا سيمپتومدارى بار كۆي-مەن اۋىراتىنداردىڭ ۇلەس سالماعى 32%-دان 53%-عا دەيىن ارتتى، بۇل COVID-19 «دەلتا» شتامىنىڭ تەز تارايتىنىن كورسەتتى.

«ۆيرۋس جۇقتىرعاندار سانىنىڭ كۇرت وسۋىنە بايلانىستى ءبىز مۋتاتسيالانعان شتامدارعا زەرتتەۋ جۇرگىزدىك. ناتيجەسىندە كۆي ناۋقاستارىنان الىنعان 131 ۇلگىنىڭ 77 «الفا» بريتاندىق شتامدار، 46 ۇلگىدە قازاقستان چەمپيوناتى انىقتالدى. سونىمەن قاتار ەكى «گامما»، وڭتۇستىك افريكا شتامدارى مەن ءبىر نيۋ-يورك، «بەتتا» شتامى تىركەلدى. جالپى ەپيدەميالىق جاعدايدىڭ كۇردەلەنۋى «الفا» شتامىنىڭ تارالۋىنان، ال اۋرۋدىڭ ارتۋى نۇر-سۇلتان قالاسى مەن رەسەيدەن اكەلىنگەن «دەلتا» شتامى سالدارىنان»، دەدى جانداربەك بەكشين.

الماتى قالاسىنىڭ باس سانيتارلىق دارىگەرى قابىلدانعان شەكتەۋ شارالارىن مىندەتتى تۇردە ورىنداۋ قاجەتتىگىن ايتتى. ج. بەكشيننىڭ ايتۋىنشا، جالپى دەرتتى جۇقتىرماۋدىڭ جالعىز جولى – ۆاكتسينا الۋ مەن سانيتارلىق نورمالاردى ساقتاۋ.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار