شىعىس قازاقستان وبلىسىنىڭ ريددەر قالاسىنىڭ جەرگىلىكتى تۇرعىندارى قىزىل كىتاپقا ەنگەن وسىمدىكتى جۇلعانى ءۇشىن سوتتالدى. ريددەر ورمان شارۋاشىلىعى اۋماعىندا رازلەۆانكا وزەنىنىڭ جانىندا ءۇش دوس جويىلىپ كەتۋ قاۋپى بار وسىمدىكتەردى كەسىپ تاستاعان.
– قىزىل كىتاپقا ەنگىزىلگەن وسىمدىكتەردى زاڭسىز وندىرگەنى ءۇشىن سوت ريددەر قالاسىنىڭ تۇرعىندارىنا قاتىستى ايىپتاۋ ۇكىمىن شىعاردى. جالپى العاندا سوتتالعاندار قىزىل كىتاپقا ەنگەن وسىمدىكتەردىڭ 250-دەن استام ساباعىن كەسكەن, – دەدى ريددەر قالالىق پروباتسيا قىزمەتىنىڭ باستىعى الميرا مايىلحانوۆا.
سوتتالعانداردىڭ ايتۋىنشا, ولار «ۇساق پيازدان» سالات جاساماق بولعان. الايدا, وسىمدىكتىڭ بۇل ءتۇرى قازاقستان رەسپۋبليكاسىنىڭ قىزىل كىتابىنا ەنگىزىلگەن. شقو ريددەر قالالىق سوتىنىڭ ۇكىمىمەن جىگىتتەر قر قك – ءنىڭ 339-بابىنىڭ 2-بولىگى 2-تارماعىمەن قاراستىرىلعان-سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق پايدالانۋعا تىيىم سالىنعان وسىمدىك تۇرلەرىمەن, الدىن الا ءسوز بايلاسۋ ارقىلى ادامدار توبىمەن زاڭسىز قارىم-قاتىناس جاساعانى ءۇشىن سوتتالدى.
– سوتتالعاندار ءۇش جىلعا باس بوستاندىعىنان شەكتەۋ جازاسىنا سوتتالىپ, پروباتسيا قىزمەتىنە ەسەپكە قويىلدى. قازىرگى ۋاقىتتا ەسەپتە تۇرعان سوتتالعاندارمەن پروفيلاكتيكالىق جۇمىس جۇرگىزىلۋدە جانە بۇدان ءارى پروباتسيا قىزمەتىنىڭ باقىلاۋىندا بولادى, سونداي-اق قايتا قۇقىق بۇزۋشىلىق جاساعان جاعدايدا سوتتالعانداردىڭ باس بوستاندىعىن شەكتەۋ تۇرىندەگى جازاسى نەعۇرلىم قاتاڭ – باس بوستاندىعىنان ايىرۋعا اۋىستىرۋى مۇمكىن. باس بوستاندىعىن شەكتەۋ تۇرىندەگى جازانى وتەۋ ەرەجەلەرى سوتتالعاندارعا ءتۇسىندىرىلدى, – دەدى ريددەر قالاسىنىڭ پروباتسيا قىزمەتىنىڭ باستىعى الميرا مايىلحانوۆا.
