اتىراۋدا كورەيا ەلىنىڭ ازاماتى ءوزىنىڭ تۇرعىلىقتى مەكەنجايىندا تانىسىمەن ىشىمدىك ىشكەن. ارالارىندا كيكىلجىڭ تۋىنداپ, ەكەۋى ءوزارا سوزگە كەلىپ قالعان. الگى تانىسى 45 جاستاعى ەر ادامنىڭ اناسىن بالاعاتتاپ, وعان ءتىل تيگىزەدى. سول كەزدە اشۋلانعان ايىپتالۋشى ۇيىنە جۇگىرىپ كىرىپ, پىشاق الىپ قايتا شىققان. قولىنداعى پىشاقتى تانىسىنا سۇعىپ دەنە جاراقاتىن سالعان. جابىرلەنۋشى امان قالدى. كۇدىكتى ەر ادام ءوز كىناسىن تولىعىمەن مويىندادى.
ايىپتالۋشى سوت ۇكىمىمەن قر قك-ءنىڭ 106-بابىنىڭ 1-بولىگىمەن كىنالى دەپ تانىلىپ, وعان ءتورت جىل باس بوستاندىعىن شەكتەۋ تۇرىندەگى جازا تاعايىندالدى. ودان جابىرلەنۋشىلەرگە وتەماقى قورىنا جيىرما ايلىق ەسەپتىك كورسەتكىش مولشەرىندە ءماجبۇرلى تولەم ءوندىرىلدى.
