سپورت • 28 ماۋسىم، 2021

جانىبەكتىڭ جارقىن جەڭىسى

46 رەت كورسەتىلدى

قازاق ەلىندە تاڭ ارايلاپ اتقان تۇستا اقش-تىڭ لاس-ۆەگاس قالاسىندا كاسىپقوي بوكستان ۇلكەن جارىس ءوتتى. ايتۋلى دودادا ورتا سالماقتا كۇش سىناسىپ جۇرگەن ەلىمىزدىڭ ماڭدايالدى بىلعارى قولعاپ شەبەرلەرىنىڭ ءبىرى جانىبەك ءالىمحان ۇلى دا ونەر كورسەتتى.

بۇل جولى جانىبەك الەم­­نىڭ ەكس-چەمپيونى روب برانت­پەن جۇدىرىقتاستى. ما­ڭىزدى باسەكەگە قاندا­سىمىز تىڭ­عى­لىقتى دايارلاندى. سەبەبى، 30 جاستاعى اقش-تىڭ ميننەسوتا شتا­تىنىڭ تۋماسى وسالدار ساناتىنان ەمەس. كاسىپقوي بوكس­­تاعى ءوز كارەراسىن 2012 جى­لى باستاعان ول سول كەزدەن بەرى 28 مارتە رينگ­­كە كوتەرىلىپ، 26 رەت ءوزىنىڭ مىق­تىلىعىن مويىن­داتتى. 18 قارسىلاسىن ول ۇرىپ جىقتى. برانتتىڭ جۇ­دىرىعىنىڭ جويقىن ەكە­نىن سەزىنگەندەر اراسىندا كولۋمبيالىق دانيسيو مي­راندا، امەريكالىق دەكارلو پەرەس پەن كريس فيتسپاتريك، جاپونيالىق ريوتا مۋ­راتا، رەسەيلىك حاسان باي­سان­گۋ­روۆ، ۋكراينالىق ۆي­تالي كو­­پىلەنكو جانە تاعى باسقا تانىمال بوكسشىلار بار.
ءساتسىز وتكەن ەكى جەك­پە-جەگى جايىندا ايتساق، «براۆو» دەگەن بۇركەنشىك ەسىمدى يەلەنگەن ساقا سپورت­شىنىڭ العاشىندا گەر­مانيالىق يۋرگەن برە­مەرگە ءالى جەتپەدى. برانت نەمىس بوكسشىسىنان وسىدان ءتورت جىل بۇرىن شۆەرين قالاسىندا ۇپاي سانىمەن ۇتىلدى. 2019 جىلدىڭ جازىندا ول ريوتا مۋراتامەن قايتا قولعاپ ءتۇيىستىردى. بۇل جولى جاپون جىگىتى امەري­كالىقتى ەكىن­شى راۋندتا ۇرىپ جىقتى. سول باسەكەدە «براۆو» WBA نۇسقاسى بويىنشا ورتا سال­ماقتاعى الەم چەمپيونى اتاعىنان ايىرىلدى. مىنە، جانىبەككە وسىنداي ساقا سپورت­­شىمەن جۇدىرىقتاسۋعا تۋرا كەلدى.
لاس-ۆەگاستاعى جەكپە-جەك­تى جانىبەك ءالىمحان ۇلى وتە ساۋاتتى وتكىزدى. «قازاق ءستيلىن» كۇللى الەمگە تانىتامىن دەپ قۇلشىنىپ جۇرگەن ورەنىمىز اسىقپاي-اپتىقپاي ءجۇرىپ-اق كوزدەگەن ماقساتىنا قول جەتكىزدى. باسەكە بارىسىندا ونىڭ جويقىن سوققىلارى قارسىلاسىنا ءجيى دارىدى. سودان سەكەم الىپ قالسا كە­رەك، برانتتىڭ تاراپىنان جاسالعان بىردە-ءبىر ەستە قا­لارلىق شابۋىلدى كورە المادىق. ۋاقىت وتكەن سايىن ۇپاي سانىن ەسەلەگەن قان­داسىمىز التىنشى راۋندتا روبتى قاتتى ەسەڭگىرەتىپ تاستادى. ودان كەيىن دە ءالىم­حان ۇلىنىڭ باسىمدىعى انىق بايقالدى. باسەكە ءدال وسىنداي «ستسەناريمەن» ءوربي بەرەتىن بولسا، ساۋ-تامتىعى قال­مايتىنىن ءجىتى تۇسىنگەن اقش بوكسشىسى سەگىزىنشى راۋند­تان كەيىن جەكپە-جەكتى جال­عاستىرۋدان باس تارتتى.
ءسويتىپ، كەزىندە اۋەسقويلار اراسىندا الەم جانە قۇر­لىق چەمپيونى، ازيا ويىندا­رى­نىڭ جەڭىمپازى اتانىپ، ريو وليم­پياداسىندا شيرەك فينالعا دەيىن جەتكەن 28 جاستاعى جانىبەك ءالىم­حان ۇلى كاسىپقوي رينگ­تەگى 10 جەڭىسىنە قول جەت­كىزدى. سول كەزدەسۋلەردىڭ التاۋىن مەر­زىمىنەن بۇرىن اياق­تادى. كەشە وتكەن جارىستا ونىڭ ونەرىنە سۇيىسىنگەن اقش-تىڭ ايگىلى مەنەدجەرى ەگيس كليماس «جا­نى­­بەكتىڭ جۇدىرىقتاسۋ ما­­نەرى كەرەمەت. ناعىز Qa­zaq Style دەپ ايتۋعا تۇرار­لىق. وسىدان بىرەر كۇن بۇ­رىن باپكەرى باددي ماك­گيرت­پەن سويلەسكەنىمدە، ول ءوز شا­كىر­تىنىڭ ۇلكەن دودالارعا دايىن ەكەنىن ايتقان ەدى. سول ءسوز­دىڭ راستىعىنا مەنىڭ دە كوزىم جەتتى»، – دەپ اعىنان جا­رىلدى.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار