ساياسات • 28 ماۋسىم، 2021

كوشباسشى جاستار كلۋبى جۇمىسىن باستادى

48 رەت كورسەتىلدى

وتكەن سەنبىدە ەلوردادا پرەزيدەنتتىك جاستار كادرلىق رەزەرۆىنىڭ مۇشەلەرى باس قوستى. پىكىرسايىس كلۋبىنىڭ العاشقى قوناعى مەملەكەت باسشىسى قاسىم-جومارت توقاەۆتىڭ شتاتتان تىس كەڭەسشىسى، پرەزيدەنت جانىنداعى رەفورمالار جونىندەگى جوعارى كەڭەس توراعاسىنىڭ ورىنباسارى جانە ەۋروپا قايتا قۇرۋ جانە دامۋ بانكىنىڭ ەكس-پرەزيدەنتى سەر سۋما چاكرابارتي بولدى.

سۋما چاكرابارتي كەزدەسۋ كەزىندە ءوزى­نىڭ ەڭبەك جولى، قازىرگى اتقارىپ جۇرگەن جۇ­مىسى تۋرالى ەگجەي-تەگجەيلى بايانداپ، كوش­باسشىلىق تۋرالى پايىمدارىن ورتاعا سالدى، كلۋب مۇشەلەرىنىڭ سۇراقتارىنا جاۋاپ بەردى.

پرەزيدەنت كەڭەسشىسى اڭگىمە بارىسىندا ەلدەگى جاڭعىرۋ پروتسەستەرىندەگى جاستاردىڭ رولىنە كوبىرەك توقتال­دى. «سىزدەر – بۇگىننىڭ وزىندە كوشباس­شى­سىز­دار. ودان دا ماڭىزدىسى – كەلەشەكتىڭ كوش­باس­شىسىسىزدار»، دەپ باستادى اڭگى­مەسىن سۋما چاكرابارتي.

سەر چاكرابارتيدىڭ ۇسىنىستارىنىڭ ءبىرى پرەزيدەنتتىك جاستار كادرلىق رەزەرۆى مۇشەلەرىنىڭ اراسىنان ءموبيلدى وزگەرىس كوماندالارىن قۇرۋمەن بايلانىستى. اتال­عان كوماندالار قىزمەتتىڭ ناقتى سالا­لارى بويىنشا ۇسىنىستاردى تالداۋ جانە ازىرلەۋ ارقىلى مەملەكەتتىك جۇيەنى رەفورمالاۋعا جانە وزگەرتۋگە ۇلەس قوسا الادى. بەلگىلى ءبىر ۋاقىت ىشىندە (مىسالى، 100 كۇن) كوماندالار بەلگىلى ءبىر ايماقتىڭ دامۋىنا پىكىرلەرىن ۇسىنادى.

ەكى ساعاتقا سوزىلعان سۇحبات بارىسىندا سۋما چاكرابارتي كلۋب مۇشەلەرىنىڭ ساۋالدارىنا جاۋاپ بەرىپ، ستراتەگيالىق جوسپارلاۋ، اۋماقتىق دامۋ، مەملەكەتتىك باسقارۋ جۇيەسى، قازاقستان ەكونوميكاسىنا ينۆەستيتسيالاردىڭ ۇلعايۋى جانە باسقا دا تاقىرىپتار توڭىرەگىندە اڭگىمە ءوربىتتى.

پرەزيدەنتتىك جاستار كادرلىق رەزەر­ۆىنىڭ مۇشەلەرى سەر چاكرابارتيدىڭ ساراپ­تا­مالىق پىكىرىن قورىتىپ، تالقىلانعان ماسە­لەلەر مەن ۇسىنىستاردى ىسكە اسىرۋ تەتىگىن قوسىمشا قاراستىرىپ، دايىنداۋدى جوسپارلاپ وتىر.

«پرەزيدەنتتىك جاستار كادرلىق رەزەرۆىنىڭ مۇشەلەرى – قازاقستاننىڭ پاتريوت ازاماتتارى. قوعامنىڭ ءال-اۋقا­تىن ارتتىرۋ جانە ءومىر ءسۇرۋ ساپاسىن جاق­سار­تۋدى، مەملەكەتتىك قىزمەت كورسەتۋدىڭ تيىم­دىلىگىن قامتاماسىز ەتۋدى ءبىرىنشى ورىنعا قويامىز. ول ءۇشىن ءبىز بارلىق قولجە­تىمدى سىندارلى الاڭداردى اشىق ديالوگ رەتىندە پايدالانۋعا دايىنبىز. ءبىزدىڭ رەزەرۆتەگى ارىپتەستەرىمىز وسكەلەڭ ۇرپاق پەن الدىڭعى بۋىن اراسىنداعى، مەملە­كەت پەن بيزنەس اراسىنداعى بايلانىس­تى­رۋشى بۋىننىڭ ءرولىن اتقارىپ وتىر. مەملەكەتتىك قىزمەتتىڭ الاڭىندا جۇر­گەن­دىكتەن، پروتسەستەردەگى، ستراتەگيالارداعى قيىن­دىقتاردى كورىپ، ءتۇسىنىپ وتىرمىز جانە وسى وزگەرىستەرگە ءوز ۇلەسىمىزدى قوسا الامىز»، دەيدى كلۋب مودەراتورى ايدىن بايەديلوۆ.

كلۋب مۇشەلەرى دە بۇل كەزدەسۋ كوكەيدەگى كوپتەگەن ساۋالعا جاۋاپ بەرگەنىن ايتادى. «جالپى، اشىق جانە تاعىلىمدى اڭگىمە ءوربىدى. مۇندا ايتىلعان نەگىزگى يدەيالار بولاشاقتا قابىلداناتىن شەشىمدەرگە نەگىز بولادى. بۇل ءبىزدىڭ رەزەرۆ مۇشەلەرىن ىنتالاندىرادى جانە شابىتتاندىرادى»، دەيدى جاس مامان اسەل سارسەنباەۆا.

رەزەرۆتىڭ تاعى ءبىر مۇشەسى المات اح­ماتوللا دا ءوز ويىن ايتتى. «پرەزيدەنتتىك جاستار كادرلىق رەزەرۆى باستاماشىل جاس­تاردى بىرىكتىرىپ، ولارعا قازاقستانداعى ۇدەرىستەر مەن تۇراقتى دامۋدى ودان ءارى جەتىلدىرۋ ءۇشىن بايلانىس، پىكىر الماسۋ الاڭىن ۇسىنىپ وتىر»، دەيدى ول.

ۇيىمداستىرۋشىلار ءىس-شارانى كوروناۆيرۋس ينفەكتسياسىنىڭ تارالۋ قاۋپىن ازايتۋدى قاراستىراتىن بارلىق سانيتارلىق-پروفيلاكتيكالىق شارانى ساقتاي وتىرىپ وتكىزگەنىن ايتا كەتكەن ءجون.

 

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار