قر اقپارات جانە قوعامدىق دامۋ ءمينيسترى ايدا بالاەۆا ءتۇسىرىلىم الاڭىندا شىعارماشىلىق توپپەن كەزدەستى.
مينيستر كينوونەردىڭ, ونىڭ ىشىندە تاريحي تۋىندىلاردىڭ ەڭ باستى ماقساتى – سانانى جاڭعىرتۋ ەكەنىن اتاپ ءوتتى.
«تاۋەلسىزدىكتىڭ 30 جىلدىعى بەلەسىندە, ەگەمەن ەلدىڭ كوزقاراسىمەن وتكەن تاريحىمىزدى قايتا تۇگەندەپ, اسىرەسە وسكەلەڭ ۇرپاققا ۇلت تۇلعالارىن تەرەڭ تانىستىرىپ وتىرۋدىڭ ماڭىزى زور. كىلەڭ تالانتتى ونەر مايتالماندارىنىڭ قاتىسۋىمەن تۇسىرىلەتىن تەلەحيكايا بيىك تالعامدى كورەرمەن قاۋىمنىڭ كوڭىلىنەن شىعىپ, قوعام تاراپىنان زور ىقىلاسقا يە بولادى دەپ سەنەمىن», دەدى ا.بالاەۆا.
تەلەحيكايادا جاڭگىر حان ءرولىن مەدعات ومىراليەۆ, فاتيما ءرولىن ءامينا مەكتەپباەۆا, يساتاي باتىر ءرولىن نۇرلان ساعىناەۆ, ماحامبەت وتەمىس ۇلىنىڭ بەينەسىن دارحان سۇلەيمەنوۆ سومدايدى. جوبانىڭ كوركەمدىك جەتەكشىسى – ارمان سقابىل ۇلى, قويۋشى-رەجيسسەرءى - باقىتتاس سانيتاس, پروديۋسەرى – شىڭعىس ارمان ۇلى.
«ساراي سىرى» - كورپوراتسيا بيىل تۇسىرەتىن تاريحي سەريالداردىڭ ىشىندەگى ەڭ كوپبولىمدىسى. باستى كەيىپكەرلەردى تاڭداۋدا ۇلكەن تالقىلاۋلار وتكىزىلدى. اكتەرلەردىڭ ءبارى كورەرمەنگە ءىرى تاريحي وبرازدار ارقىلى جاقسى تانىس بولعاندىقتان وسىنداي تاڭداۋ جاسادىق. بۇل وتاندىق تەلەنارىقتا جاڭگىر حان تۇلعاسىنا ارنالىپ وتىرعان العاشقى تەلەحيكايا بولعاندىقتان, ارتىلىپ وتىرعان جاۋاپكەرشىلىك زور», دەدى باسقارما ءتورايىمى لءاززات تانىسباي.
12 ءبولىمدى تەلەحيكايا بوكەي ورداسىندا 1823-1845 جىلدارى بيلىك قۇرعان جاڭگىر حاننىڭ تۇلعاسى, حاندىقتىڭ ىشكى ءومىرى مەن سول كەزەڭنىڭ كەيبىر تاريحي ساتتەرى تۋرالى بولماق.
بۇعان دەيىن ايتىلعانداي, «قازاقستان» تەلەراديوكورپوراتسياسى بيىل كوپشىلىك نازارىنا جاڭگىر حان تۇلعاسىنا ارنالعان «ساراي سىرى» سەريالىمەن بىرگە, احمەت بايتۇرسىن ۇلى, دومالاق انا, قانىش ساتباەۆ, جۇمابەك تاشەنوۆ جانە مۇقاعالي ماقاتاەۆ تۋرالى تاريحي تەلەحيكايالاردى ۇسىنادى.
