اقش-تىڭ لاس-ۆەگاس قالاسىنداعى بوكس كەشىندە ول امەريكالىق روب برانتپەن قولعاپ ءتۇيىستىردى. قارسىلاسى - WBA نۇسقاسى بويىنشا ورتا سالماقتا الەمنىڭ ەكس-چەمپيونى.
بۇگىنگى جەكپە-جەك ون راۋندقا جوسپارلانعان ەدى. دەگەنمەن سەگىزىنشى راۋندتان كەيىن روب برانت رينگكە شىعۋدان باس تارتتى. وسىلايشا قازاقستاندىق بوكسشى جەڭىسكە جەتتى.
ايتا كەتەيىك, التىنشى راۋندتا ول قارسىلاسىن نوكداۋنعا ءتۇسىردى.
جانىبەك ءالىمحان ۇلى ءوزىنىڭ كاسىبي بوكستاعى ونىنشى جەڭىسىنە قول جەتكىزدى. ال روب برانت ءۇشىنشى مارتە جەڭىلىستىڭ اششى ءدامىن تاتىپ وتىر.
سونىمەن قاتار, جانىبەك بۇل كەشتە «قازاق ءستيلىن كورسەتۋگە» ۋادە ەتكەن بولاتىن. جەكپە-جەكتى «حابار» تەلەارناسى كورسەتتى.
