كوروناۆيرۋس • 26 ماۋسىم، 2021

ءتورت ءوڭىر «قىزىل ايماققا» قايتىپ كەلدى

387 رەت كورسەتىلدى

سانيتارلىق-ەپيدەميولوگيالىق باقىلاۋ دەپارتامەنتىنىڭ اقپاراتى بويىنشا، الماتى قالاسىنداعى ەپيدەميالىق جاعداي جالپى رەسپۋبليكا بويىنشا مۋتاتسيالانعان شتاممداردىڭ تارالۋىنا بايلانىستى كۇردەلى، دەپ حابارلايدى Egemen.kz.

وسى جىلدىڭ 26 ماۋسىمىندا كوروناۆيرۋستىق ينفەكتسيا اۋرۋى بويىنشا ەپيدەميالىق جاعدايدى باعالاۋ ماتريتساسىنا سايكەس 4 ءوڭىر قىزىل ايماققا كىردى. ولار اتىراۋ، قاراعاندى، باتىس قازاقستان وبلىستارى مەن الماتى قالاسى.

الماتى قالاسى بويىنشا سوڭعى 5 تاۋلىك ىشىندە 110 جاعدايدان تاۋلىگىنە 217 جاعدايعا دەيىن ءوستى.

سوڭعى ەكى اپتادا بەتپەردە مەن قاشىقتىق رەجيمدەردىڭ ساقتالماۋى، حالىقتىڭ ۆاكتسيناعا قارسىلىعى سالدارىنان R سانىنىڭ (جۇقتىرۋ كورسەتكىشى) 0،7-دەن 1،197-گە دەيىن ءوسۋى بايقالدى. وسى جاعدايعا بايلانىستى، الماتى قالاسىنىڭ باس مەملەكەتتىك دارىگەرىنىڭ شەكتەۋ ءىس-شارالارىن كۇشەيتۋ تۋرالى قاۋلىسى دايىندالدى.

COVID-19 اۋرۋىنىڭ جوعارىلاۋى، جاڭا دەلتا شتاممىنىڭ پايدا بولۋى، ينفەكتسيانىڭ جوعارى دەڭگەيىمەن ءارى تەز تارالۋىمەن بايلانىستى.

20 ماۋسىمنان باستاپ زەرتتەۋگە جەتكىزىلگەن 133 سىنامانىڭ 125-ءسى انىقتالدى. مىسالى، 77 سىنامادا (62%) - بريتاندىق شتامم، 45-تە (36%) ءۇندى شتاممى، بۇل رەتتە 44 جاعدايدا سوڭعى ءۇش تاۋلىك ىشىندە، 2-ۋىندە وڭتۇستىك افريكالىق، 1-ۋىندە نيۋ-يوركتىك شتامم انىقتالدى.

وسىعان بايلانىستى، قالا تۇرعىندارىنا بەتپەردە رەجيمىن، الەۋمەتتىك قاشىقتىقتى قاتاڭ ساقتاۋ، حالىق كوپ جينالاتىن ورىندار مەن بۇقارالىق ءىس-شارالارعا بارۋدان باس تارتۋ، سونداي-اق COVID-19-عا قارسى ۆاكتسينادان ءوتۋ قاجەتتىلىگى تاعى دا ەسكەرتىلەدى.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار