«اتىراۋ وبلىسىنىڭ اۋماعىندا ەپيدەميولوگيالىق جاعداي تۇراقتالعانعا دەيىن شارۋاشىلىقتى جانە وزگە دە قىزمەتتەردى, حالىقتىڭ تىنىس-تىرشىلىگىن ەرەكشە جاعدايلارمەن شەكتەۋ شارالارى ەنگىزىلسىن», دەپ جازىلعان قۇجاتتا.
قاۋلىدا شەكتەۋ ءىس-شارالارىنىڭ رەجيمى مەن مەرزىمدەرى وبلىس اۋماعىندا ەپيدەميولوگيالىق احۋالدىڭ وزگەرۋىنە سايكەس قايتا قارالۋى مۇمكىن ەكەنى ايتىلعان.
سونىمەن قاتار, تەڭىز كەن ورنىندا كارانتيندىك جانە شەكتەۋ شارالارى ەپيدەميولوگيالىق جاعداي تۇراقتالعانعا دەيىن ۇزارتىلاتىن بولدى.
«كارانتين كەزەڭىندە ۆاحتالىق ادىسپەن جۇمىس ىستەيتىن كاسىپورىندارداعى جۇمىسشىلار COVID-19-عا قارسى ەكپەنىڭ تولىق كۋرسىن العانى تۋرالى قۇجاتى بولعاندا جۇمىسقا كىرىسەر الدىندا جانە ۆاحتالىق جۇمىسى اياقتالعاننان كەيىن COVID-19-عا پتر ادىسىمەن تەكسەرىلمەيدى جانە وقشاۋلانۋدى قاجەت ەتپەيدى. ەكپە الماعان, COVID-19-عا پتر تەستىلەۋدىڭ تەرىس ءماندى ناتيجەسى بار جۇمىسشىلار 7 كۇن وقشاۋلانادى», دەلىنگەن قۇجاتتا.
ال COVID-19 جۇقتىرعان ناۋقاسپەن قارىم-قاتىناستا بولعان (جاقىن قارىم-قاتىناستا) ادامدار ەگەر دە كوروناۆيرۋستىق جۇقپاعا قارسى ەكپەنىڭ تولىق كۋرسىن العانىنا 14 كۇن بولسا, راستايتىن قۇجاتتى كورسەتۋ ارقىلى پتر ادىسىمەن تەكسەرىلمەيدى جانە وقشاۋلانبايدى. تەك اۋرۋدىڭ كلينيكالىق بەلگىلەرى بولماۋى قاجەت. ەكپە الماعان, جاقىن قارىم-قاتىناستا بولعان, COVID-19-عا پتر تەستىلەۋدىڭ تەرىس ءماندى ناتيجەسى بار ادامدار 14 كۇن وقشاۋلانادى.
سونداي-اق, قاۋلىدا اتىراۋ وبلىسىنىڭ تۇرعىندارى قۇرعاق جوتەل, دەنە قىزۋى, تىنىس الۋدىڭ قيىنداۋى, ەنتىگۋ سياقتى رەسپيراتورلىق ۆيرۋس بەلگىلەرىن سەزىنسە, مەديتسينالىق ۇيىمدارعا بارماي, جەدەل مەديتسينالىق كومەكتىڭ 103 نومىرىنە قوڭىراۋ شالۋ ارقىلى ۇيدەن دەرەۋ مەديتسينالىق كومەككە جۇگىنۋ كەرەكتىگى ايتىلعان.
5 جاسقا دەيىنگى بالالاردان باسقا تۇرعىنداردىڭ بارلىعى قوعامدىق ورىندا ماسكا رەجيمىن ساقتاۋعا مىندەتتى. ال 65 جاستان اسقان ادامدارعا اسا قاجەتتىلىك بولماسا, تۇرعىلىقتى جەرىنەن شىقپاۋ ۇسىنىلادى.
سونىمەن قاتار:
- مەرەكەلىك, ويىن-ساۋىق, كوپشىلىك مادەني, كورمەلەردى, كورپوراتيۆتى, فورۋمداردى, كونفەرەنتسيالاردى, بانكەت, ۇيلەنۋ تويى, مەرەيتوي, ەسكە الۋ سياقتى وتباسىلىق شارالار وتكىزۋگە,
- «Ashyq» جوباسىنا قاتىسپايتىن ويىن-ساۋىق وبەكتىلەرىنىڭ, بانكەت زالدارىنىڭ, جابىق ءۇي-جايداعى, سونىڭ ىشىندە قوعامدىق تاماقتانۋ وبەكتىلەرىندەگى بالالار ويىن-ساۋىق ورتالىقتارى مەن اتتراكتسيونداردىڭ, ويىن الاڭدارىنىڭ (اۋلاداعىلاردى قوسپاعاندا), تۇنگى كلۋبتاردىڭ, كاراوكە, كومپيۋتەرلىك جانە ويىن كلۋبتارىنىڭ, كاليان, بيليارد, بوۋلينگتەردىڭ, بۋكمەكەرلىك كەڭسەلەردىڭ, مەرەكەلەردى ۇيىمداستىرۋ بويىنشا قىزمەت كورسەتۋدىڭ جۇمىسىنا;
- «Ashyq» جوباسىنا قاتىسپايتىن مادەني وبەكتىلەردىڭ, جەكە, توپتىق دايىندىقتاردى قوسا العاندا كينوتەاترلاردىڭ, تەاترلاردىڭ, كونتسەرت زالدارىنىڭ, فيلارمونيالاردىڭ قىزمەتىنە;
- «Ashyq» جوباسىنا قاتىسپايتىن نىساندا كورەرمەندەرى بار سپورتتىق ءىس-شارالاردىڭ وتكىزىلۋىنە تىيىم سالىندى.
مەملەكەتتىك ورگاندار مەن كۆازيمەملەكەتتىك سەكتور ۇيىمدارىندا CوVID-19-عا قارسى ۆاكتسيناتسيالاۋدىڭ تولىق كۋرسىن العان جانە سوڭعى 6 اي ىشىندە COVID-19-بەن اۋىرىپ جازىلعان بارلىق قىزمەتكەرلەردىڭ كۇندىزگى رەجيمدە جۇمىس ىستەۋىنە جول بەرىلەدى.
دەگەنمەن, جينالىستار, كەڭەستەر, سەمينارلار, كونفەرەنتسيالار تەك سەلەكتورلىق رەجيمدە جانە بەينەبايلانىس ارقىلى وتكىزىلۋى كەرەك.
بانكتەردىڭ, «قازپوشتا» اق بولىمشەلەرىنىڭ, حالىققا قىزمەت كورسەتۋ ورتالىقتارىنىڭ جۇمىس ۋاقىتى 9.00-دەن 18.00-گە دەيىن ۇيىمداستىرىلادى. اتالعان مەكەمەلەرگە الدىن الا Egov.kz, «EgovKZBot 2.0» تەلەگرامم-بوتپەن برونداۋ ارقىلى بارۋ ۇسىنىلادى.
مەكتەپكە دەيىنگى بالالار ۇيىمدارىنىڭ كەزەكشى توپتارىنىڭ (سانى 15 بالادان اسپايتىن) جاتىن بولمەلەرىندەگى كەرەۋەتتەر اراسىنداعى قاشىقتىق كەمىندە 1 مەتر بولۋىن ساقتاۋ;
- بالالار ساۋىقتىرۋ ۇيىمدارىنىڭ جۇمىسى 30%-دان ارتىق ەمەس تولتىرۋمەن;
- مەديتسينالىق ورتالىقتار, كابينەتتەر, ستوماتولوگيالار الدىن الا جازىلۋ بويىنشا;
- قوناق ۇيلەر, وتەلدەر, دەمالىس ۇيلەرى 80% جۇكتەلىمگە دەيىن
- مەشىتتەر, شىركەۋلەر, سوبورلار, سيناگوگالار تولتىرىلۋى 30% - دان اسپايتىن جۇكتەلىممەن جۇمىس ىستەۋگە رۇقسات ەتىلەدى.
مەشىتتەر, شىركەۋلەر جانە باسقا دا ءدىني وبەكتىلەر اۋماعىندا ۇجىمدىق ءدىني ءىس-شارالاردى (ونىڭ ىشىندە «جۇما نامازى», كۇندەلىكتى پراۆوسلاۆيەلىك دۇعالار جانە باسقالارىن) اشىق اۋادا وتكىزۋ بەتپەردە كيۋ رەجيمى مەن ءبىر ادامعا كەمىندە 4 مەتر ەسەبىنەن الەۋمەتتىك قاشىقتىق ساقتالعان كەزدە جۇزەگە اسىرىلادى.
جابىق بازارلاردىڭ جۇمىس كۇندەرى جۇمىس كەستەسى ساعات 09.00-دەن 19.00-گە دەيىن رۇقسات ەتىلەدى. ال سەنبى جانە جەكسەنبىدە جۇمىس ىستەۋىنە تىيىم سالىنادى.
اشىق بازارلاردىڭ جۇمىس كەستەسى ساعات 09.00-دەن 19.00-گە دەيىن دەپ بەكىتىلدى.
ساۋدا ۇيلەرى مەن ورتالىقتارىنا ساۋدا جەلىلەرىنە ساعات 10.00-دەن 19.00-گە دەيىن, 1 كەلۋشىگە 4 شارشى مەتر ورىن قامتاماسىز ەتە وتىرىپ, تەك قانا جۇمىس كۇندەرى جۇمىس ىستەۋىنە رۇقسات ەتىلەدى. ولاردىڭ ىشىندەگى ازىق-ت ۇلىك سۋپەرماركەتتەرى مەن ءدارىحانالار عانا سەنبى جانە جەكسەنبى كۇندەرى جۇمىس ىستەي الادى.
قوعامدىق تاماقتانۋ وبەكتىلەرىنە, سونىڭ ىشىندە جازعى الاڭقايلارعا ساعات 07.00-دەن 20.00-گە دەيىن, ۇجىمدىق ءىس-شارالار وتكىزبەي, 30-دان اسپايتىن وتىراتىن ورىن ورناتىپ, ۇستەلدەر اراسىنداعى قاشىقتىق كەمىندە 2 مەتر ساقتاۋ ارقىلى جۇمىس جاساۋعا رۇقسات ەتىلەدى.
سۇلۋلىق سالوندارى, شاشتارازدار, كوسمەتولوگيالىق قىزمەت كورسەتەتىن وبەكتىلەر الدىن الا جازىلۋ بويىنشا ساعات 09.00-دەن 19.00-گە دەيىن, 1 كەلۋشىگە كەمىندە 4 شارشى مەتر ەسەبىمەن قىزمەت كورسەتۋ رۇقسات ەتىلەدى.
سپورت كەشەندەرى, فيتنەس ورتالىقتار, سپورتتىق-ساۋىقتىرۋ وبەكتىلەرى, سپورت جانە جاتتىعۋ زالدارى, ساۋنالار, سپا ورتالىقتارى, باسسەيندەر الدىن الا جازىلۋ بويىنشا ساعات 07.00-دەن 22.00-گە دەيىن جۇمىس ىستەي الادى. سەنبى جانە جەكسەنبى كۇندەرى جۇمىس ىستەۋىنە تىيىم سالىنادى.
قوعامدىق كولىكتىڭ جۇمىس رەجيمىنە تىيىم سالىنبايدى.
قاۋلى 2021 جىلعى 28 ماۋسىم ساعات 00:00-دەن باستاپ زاڭدى كۇشىنە ەنەدى.
