بقو توتەنشە جاعدايلار دەپارتامەنتىنىڭ ءباسپاسوز قىزمەتىنەن تۇسكەن مالىمەتكە سايكەس, وقيعا بۇگىن بايتەرەك اۋدانى «سايا» دەمالىس ورنىنداعى جاساندى سۋ قويماسىندا بولدى.
«جاعاجاي قۇتقارۋشىلارى ابزال اجىعالي مەن باقتيار قايرات ۇلى شومىلىپ جۇرگەندە, باتىپ بارا جاتقان جاس جىگىتتى قۇتقارىپ قالدى. سۋدان شىعارعاننان كەيىن ونىڭ جۇرەگىنە ماسساج جاساپ, جاساندى تىنىس الدىردى. ەسىن جيعاننان كەيىن ول جەدەل جاردەم بريگاداسىنا تاپسىرىلدى. قازىرگى كەزدە قالالىق كوپبەيىندى اۋرۋحانادا دارىگەرلەردىڭ باقىلاۋىندا», دەدى ۆەدومستۆودان.
