ب. ساعىنتاەۆتىڭ ايتۋىنشا, مەترو قۇرىلىسىنىڭ كىدىرۋىنە پاندەميا ىقپال ەتتى, سونىڭ سالدارىنان جۇمىسشىلار مەن مامانداردىڭ جۇمىسقا شىعۋى شەكتەلدى جانە شەكارا جابىق بولدى.
«مەترونىڭ ءبىرىنشى جەلىسىنىڭ ەكىنشى كەزەڭىنىڭ ەكىنشى ىسكە قوسۋ كەشەنىنىڭ قۇرامىنا ەنەتىن «سارىارقا» جانە «دوستىق» بەكەتتەرى ۇزىندىعى 3,1 كم مەترو جەلىسىن قامتيتىن قۇرىلىس جالعاسۋدا. قازىر مۇنداعى دايىندىق 80%-دى قۇرايدى. جىل سوڭىنا دەيىن ترافيكتى تەستىلىك رەجيمدە ىسكە قوسۋ جوسپارلانۋدا», دەدى ب. ساعىنتاەۆ.
بۇرىن حابارلانعانداي, 3,1 شاقىرىم مەترو جەلىسى اباي داڭعىلى بويىمەن التىنسارين داڭعىلىنان باتىسقا قاراي مومىش ۇلى كوشەسىنە وتەدى.
قازىرگى كەزدە بەكەتتەردى ىشكى ارلەۋ, اۋماقتى اباتتاندىرۋ, سىرتقى جانە ىشكى ينجەنەرلىك جەلىلەر مەن اۆتوماتيكا جۇيەلەرىن جابدىقتاۋ, سيگنال بەرۋ جانە بايلانىس, تەحنولوگيالىق جابدىقتى (تارتقىش-تومەن تۇسىرەتىن قوسالقى ستانتسيا, جول قوزعالىسىن باسقارۋ جۇيەسىن اۆتوماتتاندىرۋ, جەلدەتۋ جانە ت.ب.) ورناتۋ جۇمىستارى جۇرۋدە.
اتالعان بەكەتتەردەن وزگە 2020 جىلى ۇزىندىعى 2,5 شاقىرىمعا سوزىلعان قالقامان بەكەتى جانە جۇمىس ىستەيتىن توننەلدەردى قامتيتىن الماتىداعى مەتروپوليتەننىڭ ەكىنشى كەزەڭىنىڭ ءۇشىنشى ىسكە قوسۋ كەشەنىنىڭ قۇرىلىسى باستالدى, ونىڭ قۇرامىنا الماتى مەتروپوليتەنىنىڭ ەكىنشى كەزەڭىنىڭ قالقامان بەكەتى جانە ۇزىندىعى 2,5 كم قۋما توننەلدەر ەنەدى.
سونىمەن قاتار, قالانىڭ كەلەشەكتەگى دامۋىن ەسكەرە وتىرىپ, باتىس باعىتتا حالىقارالىق اۋەجايعا, سولتۇستىك جانە وڭتۇستىك باعىتتا مەتروپوليتەن سالۋ جوبالارى قاراستىرىلۋدا.
بۇدان وزگە, 8 جاڭا ەلەكتر پويىز سوستاۆتارى ساتىپ الىنعان. ەكى بەكەت ىسكە قوسىلسا, وندا جولاۋشىلار اعىنى تاۋلىگىنە 86 مىڭ ادامعا ارتادى دەپ بولجانىپ وتىر.
